ا ق ش- تا رەداكسياعا جاسالعان شابۋىل كەزىندە بەس ادام قازا تاپتى
وكرۋگتىك پوليتسيا باسشىسىنىڭ مىندەتىن اتقارۋشى انن-اراندەل بيلل كرامپفت جەرگىلىكتى جۋرناليستەرگە بەرگەن باسپا ءسوز ءماسليحاتىندا وسىلاي مالىمدەمە جاسادى.
«بەس ادام قازا تاپقانى بىزگە ءمالىم بولدى. سونداي-اق بىرنەشە ادام اۋىر جاراقات الدى»، - دەدى ول.
شابۋىل جاسالعان گازەت قىزمەتكەرلەرىنىڭ ءبىرى تۋيتتەردە قاسكويدىڭ اينەك ەسىكتەن وق جاۋدىرعانىن جازدى. «ول ءبىزدىڭ رەداكسياداعى بىرنەشە ادامدى مەرت ەتتى. كوپ نارسە جازعىم كەلمەيدى، ءبىراق بۇل بىزگە وتە اۋىر سوققى بولدى. ەڭ قيىنى ادامدارعا وق جاۋدىرىپ جاتقانىن ۇستەل استىندا جاسىرىنىپ وتىرىپ ەستۋ ەدى. ءتىپتى ول قارۋىن قايتا وقتاپ جاتقانى دا انىق ەستىلىپ تۇردى»، - دەپ جازدى جۋرناليست.
«بىزدەگى مالىمەت بويىنشا، بەس ادام قازا تاپتى، تاعى بىرنەشەۋى اۋىر جاراقات الدى. وق اتقان ادام ۇستالىپ، قامالدى. ودان جاۋاپ الىندى»، - دەدى جەرگىلىكتى پوليتسيا باسقارماسىنىڭ باسشىسى ستيۆەن شۋ.
ونىڭ ايتۋىنشا، شابۋىل جاسالعان جەردە جارىلعىشقا ۇقساس زات تابىلعان. ستيۆەن شۋدىڭ تۇسىندىرۋىنشە، بۇل زاتتىڭ قانداي قۇرىلعى ەكەندىگىنە قاتىستى ناقتى مالىمەت جوق. ول مۇنىڭ تەز تۇتاناتىن سۇيىقتىق قۇيىلعان ىدىس بولۋى مۇمكىن ەكەندىگىن اتاپ ءوتتى، ءتىپتى بەنزين بولۋى دا مۇمكىن.
