شوپپەن جازىلعان قۇران كارىم

 استانا. قازاقپارات -  قىزىلوردا قالاسىنداعى ءا. تاجىبايەۆ اتىنداعى وبلىستىق امبەباپ عىلىمي كىتاپحانادا شوپتەن جاسالعان سيامەن جازىلعان قۇران كارىم كىتابى ساقتاۋلى تۇر.

بۇل كىتاپ 1740 -جىلى مىسىر شاھارىنداعى «فارۋحي» باسپاسىندا قاتتالعان ەكەن. مۇقاباسى قوڭىر ءتۇستى، مال تەرىسىمەن قاپتالعان، اراب تىلىندە جازىلعان قۇران تۇسىنىكتەمەسى 446 بەتتەن تۇرادى. بۇل قۇندى جادىگەردى كىتاپحانانىڭ عىلىمي قىزمەتكەرلەرى ەكسپەديتسيا كەزىندە تاۋىپتى.

 - وبلىس بويىنشا 4590 كىتاپتى سيفرلى فورماتقا كوشىرىپ بولدىق. ونىڭ 2390 ى كىتاپ بولسا، قالعانى گازەت- جۋرنالدار. بۇل ەڭبەكتەر ولكەتانۋعا قاتىستى اراب، پارسى، تۇرىك، شاعاتاي، قازاق، وزبەك، ورىس تىلدەرىندەگى ادەبيەتتەردەن قۇرالعان، - دەيدى ءا. تاجىبايەۆ اتىنداعى وبلىستىق امبەباپ عىلىمي كىتاپحانا ديرەكتورى نۇرجامال مىرزامۇراتوۆا. كىتاپحانا قورىندا 410 مىڭ دانا كىتاپ بار ەكەن. 600 دەن استام جادىگەردىڭ بارلىعى ەلەكتروندى فورماتقا كوشىرىلىپتى.

باقتيار تايجان، «ەگەمەن قازاقستان» قىزىلوردا وبلىسى