كۇيەۋىنىڭ وتباسىنا رەنجىگەن ايەل تۋىستارىن تاماقپەن ۋلاپ ءولتىردى

استانا. قازاقپارات - ءۇندىستان تۇرعىنى تۋعان-تۋىستارىنىڭ مازاعىنا رەنجىپ، ولاردى تاعاممەن ۋلاپ ولتىرمەكشى بولعانى ءۇشىن قاماۋعا الىندى.

بۇل تۋرالى Hindustan Times باسىلىمى حابارلادى، دەپ جازادى Stan.kz اقپاراتتىق اگەنتتىگى.

23 جاستاعى پرادنيا سۋرۆەيز 22- ماۋسىمدا ءۇندىستاننىڭ حالاپۋر قالاسىندا ۇستالدى. ول ازىرلەگەن كەشكى استان ونىڭ بەس تۋىسى كوز جۇمدى.

تۋىستارىن ۋلاعان قىز كەيبىر ىدىستاردا جىلانداردى ءولتىرۋ ءۇشىن قولدانىلاتىن ارالاس ۇنتاق قوسقانىن مويىندادى. پوليتسيانىڭ ايتۋىنشا، ول ەكى جىل بويى دۇرىس تاماق جاساي المايدى دەپ مازاق قىلعان كۇيەۋى مەن وتباسى مۇشەلەرىن تاماقپەن ۋلاندىرىپ ولتىرمەكشى بولعان.

بەس ادام كوز جۇمعان مەرەكەلىك ءىس-شارانى ايەلدىڭ تۋىسى سۋباس مەين ۇيىمداستىرعان. سول كۇنگى كەشكى اسقا 120 ادام كەلگەن، ونىڭ ىشىندە سۋرۆەيزدىڭ دە تۋىستارى بار. كەشكە كەلۋشىلەر تاماقتانعاننان كەيىن بىرنەشە ساعات وتكەننەن سوڭ كەيبىر قوناقتاردىڭ جۇرەكتەرى اينىپ، ىشتەرى اۋىرىپ، قۇسقان. ناتيجەسىندە 88 ادام استان ۋلانىپ اۋرۋحاناعا ءتۇستى. سونىڭ سالدارىنان كوز جۇمعان بەس ادامنىڭ اراسىندا ءۇش بالا بار.