سەنات سپيكەرى قىزىل كرەست وكىلدىگىنىڭ باسشىسىمەن كەزدەستى
كەزدەسۋ بارىسىندا تاراپتار گۋمانيتارلىق جوبالاردى بىرلەسىپ جۇزەگە اسىرۋ ماسەلەسىن تالقىلادى، دەپ حابارلايدى قازاقپارات سەناتتىڭ باسپا ءسوز قىزمەتىنە سىلتەمە جاساپ.
ق. توقايەۆ حالىقارالىق قىزىل كرەست كوميتەتىنىڭ اتقارىپ جۇرگەن ىسىنە قولداۋ ءبىلدىرىپ، ءارتۇرلى ەلدەردەگى بىتىمگەرلىك كۇش-جىگەردى نىعايتۋداعى ۇيىمنىڭ قوسقان ۇلەسىن ەرەكشە اتاپ ءوتتى.
ج. كاسابيانكا اۋعانستان مەن سيريادا قاۋىپسىزدىكتى نىعايتىپ، بەيبىتشىلىكتى ورناتۋعا، شيەلەنىستەردىڭ الدىن الۋ مەن يادرولىق قارۋسىزداندىرۋعا باعىتتالعان قازاقستاندىق سىرتقى ساياسي باستامالارعا وڭ باعاسىن بەردى.
ح ق ك ك وكىلدىگىنىڭ باسشىسى قازاقستاننىڭ ب ۇ ۇ قاۋىپسىزدىك كەڭەسىندەگى ماڭىزدى ورنىن ءسوز ەتتى.
سونداي-اق، ج. كاسابيانكا استانادا «تاياۋ شىعىستاعى گۋمانيتارلىق جاعداي» تاقىرىبىندا قورعانىس جانە سىرتقى ىستەر مينيسترلىكتەرىنىڭ وكىلدەرىنە ارنالعان بريفينگ ءوتىپ جاتقانىن ايتتى. بۇل ماسەلە قازاقستاننىڭ ب ۇ ۇ ميسسياسىنا قاتىسۋ ءۇشىن ليۆانعا قاتىستى بىتىمگەرشىلىك وپەراتسياسىن جۇزەگە اسىرۋ شەشىمىمەن اسا تىعىز بايلانىستى.
تاراپتار ح ق ك ك مەن قازاقستان رەسپۋبليكاسى اراسىنداعى ەكىجاقتى ىنتىماقتاستىقتىڭ كەلەشەگىن تالقىلادى.
