08:38, 27 - ماۋسىم 2018 | GMT +5
مارادونا ارگەنتينا ماتچىنان كەيىن مەديتسينالىق كومەككە جۇگىندى
استانا. قازاقپارات - ديەگو مارادونا ارگەنتينا - نيگەريا ماتچىنان كەيىن ءوزىن جايسىز سەزىنىپ، سانكت-پەتەربۋرگتەن ماسكەۋگە جەكە ۇشاقپەن ۇشىپ بارعان، دەپ حابارلايدى «SPORTINFORM» س ا ا Marca-عا سىلتەمە جاساپ.
و باستا مەديتسينالىق كومەككە مۇقتاج بولعانمەن، قازىر 57 جاستاعى ارگەنتينالىق اڭىز فۋتبولشىنىڭ جاعدايى تۇراقتى. ونىڭ سانكت-پەتەربۋرگتەگى اۋرۋحانادا بولعان-بولماعانى تۋرالى ناقتى اقپارات جوق. ماتچ اياقتالعان سوڭ مارادونا تريبۋنادان ءوزى ەركىن شىعا الماعان.
قيىن ويىننان سوڭ ارگەنتينالىقتار 2:1 ەسەبىمەن جەڭدى. وسى ويىنمەن ءبىر ۋاقىتتا بولعان D توبىنىڭ تاعى ءبىر كەزدەسۋىندە يسلانديا قۇراماسى حورۆاتيادان 1:2 ەسەبىمەن جەڭىلدى. بۇل ناتيجەلەر مارادونانىڭ وتانداستارىنا 2018 -جىلعى الەم چەمپيوناتىنىڭ 1/8 فينالى جولداماسىن بەردى.
