22:31, 26 - ماۋسىم 2018 | GMT +5
تۇركىستان وبلىسىنىڭ شەكاراسىن بەلگىلەۋ تۋرالى قاۋلى جوباسى تالقىلاۋعا شىعارىلدى
استانا. قازاقپارات - تۇركىستان وبلىسىنىڭ شەكاراسىن بەلگىلەۋ تۋرالى ق ر ۇكىمەتىنىڭ قاۋلى جوباسى اشىق نورماتيۆتىك-قۇقىقتىق اكتىلەر پورتالىندا جاريالاندى، دەپ حابارلايدى قازاقپارات ءتىلشىسى.
جاريالانعان قۇجاتتىڭ ءار پۋنكتى بويىنشا پىكىر قالدىرۋعا بولادى. جوبا 2018 -جىلدىڭ 6 -شىلدەسىنە دەيىن قوعامدىق تالقىلاۋدا بولادى.
قاۋلى جوباسىنا سايكەس، تۇركىستان وبلىسىنىڭ جالپى اۋماعى 116280 گەكتاردى قۇرايدى. سولتۇستىگىندەگى شەكارا جامبىل وبلىسىنىڭ اكىمشىلىك باعىنىسىنداعى اۋماقتارمەن شەكتەسەدى. سولتۇستىك-باتىسىنداعى شەكارا قاراعاندى وبلىسىنىڭ اكىمشىلىك باعىنىسىنداعى اۋماقتارعا ۇلاسادى. باتىس شەكاراسى قىزىلوردا وبلىسىنا قارايتىن اۋماقتارمەن شەكتەسسە، وڭتۇستىك جانە وڭتۇستىك- باتىس شەكاراسى وزبەكستان شەكاراسىنا ءتيىپ تۇر.
