قورقىنىشتى فيلمدەردىڭ پايداسى مەن زيانى

 استانا. قازاقپارات - شەبەر تۇسىرىلگەن قانداي دا ءبىر فيلم كورەرمەنگە بەلگىلى ۋاقىت ىشىندە اسەر ەتەتىنى بەلگىلى.

تاريحي تۇلعا ومىرىنە ارنالعان فيلم كورگەننەن كەيىن كورەرمەن ونىڭ سوزدەرىنە، ءىسى مەن قابىلداعان شەشىمىنە تامسانسا، قان جوسا بولىپ شايقاسقان گلادياتورلار ەرلىگىنەن كەيىن باتىرسىنىپ كەتەتىن، ەرەكشە سەزىم پايدا بولادى كورەرمەندە. بۇل ءارى كەتسە ءبىر- ەكى كۇندىك اسەر. ال قورقىنىشتى (حوررور) فيلم شە؟ بۇل جانر ادام پسيحولوگياسىنا ءومىر بويى كەرى اسەر ەتۋى مۇمكىن. حوررور فيلمدەر نەگە زياندى؟

 1. ارتىق فوبيا جۇكتەپ قويادى فوبيا تۋا ءبىتتى پايدا بولادى جانە وسە كەلە قالىپتاسادى. قورقىنىشتى فيلمدەر سول فوبيانىڭ جاساندى تۇردە قالىپتاسۋىنا ىقپال ەتەدى. مىسالى ءبىر حوررور فيلمدە جاۋىن جاۋىپ تۇرسا، سونداعى اتموسفەرا، ۇرەيلى ساتتەر مەن كەيىپكەرلەر، جاۋىنعا دەگەن تەرىس اسسوتسياتسيا قالىپتاستىرادى.

 2. دەنساۋلىققا كەرى اسەر ەتەدى قورقىنىشتى فيلمدەر مولشەردەن تىس ادرەناليننىڭ بولىنۋىنە سەبەپ بولادى. ەڭ قورقىنىشتى دەگەن فيلمدەردى تاپجىلماي، قورىقپاي كورەمىن دەيتىن ادامنىڭ وزىندە ادرەنالين شەكتەن تىس بولىنەدى. ول ادرەنالين ادامعا قيمىلداۋ كەزىندە، جۇيكە جۇيەسىن قالىپقا كەلتىرۋگە، ادەتتەن تىس سيتۋاتسيالارمەن كۇرەسۋگە كەرەك بولادى.

 3. ادەتكە اينالۋى مۇمكىن پسيحيكالىق جاعدايى تۇراقسىز كەي ادامدار ءبىر قورىققان سوڭ فيلمدى ەكىنشى كورمەيتىندەي بولادى. ال ەندى بىرەۋلەر مۇلدەم كەرىسىنشە، قورقىنىش ۇستىنە قورقىنىش ۇستەمەلەپ، جاڭا فيلمدەردى ۇزدىكسىز كورە بەرەدى. سوندىقتان حوررور فيلمگە ادام بەلگىلى دارەجەدە قۇمارتىپ كەتۋى مۇمكىن. بۇل ادامنىڭ ءومىر سالتىنا، بولمىسىنا اسەر ەتپەي قويمايدى. مىسالى فيزيكالىق قاۋىپ تونگەندە ول سانالى تۇردە ارەكەت ەتە الماي قالادى. ەگەر قورقىنىشتى فيلمدەر تۇبەگەيلى زيان بولسا، وندا بۇل جانر نەگە كەڭ تارالعان؟

 قالاي بولعاندا دا، حوررورلاردىڭ پايداسى دا بار.

 1. ارىقتاۋعا كومەكتەسەدى جۇرتقا ءماشھۇر بريتان عالىمدارى قورقىنىش سەزىمى ارتىق سالماقتان ارىلۋعا كومەكتەسەدى دەپ مالىمدەپتى. راسىمەن، ادام قورىققاندا، ورگانيزمدە كالوريا بەلسەندى تۇردە ىدىرايدى.

 2. سترەسستەن قۇتىلۋعا سەبەپ بولادى جوعارىدا ايتىلعان ادرەناليننىڭ جاساندى تۇردە ءبولىنۋى كەيدە پايدالى ەكەن. فيزيكالىق بەلسەندىلىگى تومەن ادامدار قانىنا ادرەنالين مولشەرى جەتپەي جاتادى. قورقىنىشتى فيلم وعان جاڭا اسەر سىيلاپ، جاقسى جاعىنان ىقپال ەتۋى مۇمكىن. سونداي- اق حوررور فيلمدەر سترەسسكە تۇسكەن ورگانيزمگە دە ودان قۇتىلۋعا سەبەپ بولادى.

 3. ونەردەن ءلاززات الۋعا كومەكتەسەدى ۋاشينگتون ۋنيۆەرسيتەتىنىڭ عالىمدارى ەرەكشە تاجىريبە جاساپتى. 3 توپ ادام ابستراكتىلى ونەر تۋىندىسىن باعالاماس بۇرىن ءتۇرلى تاپسىرما العان. ءبىر توپ ەشتەڭە ىستەمەگەن، ەكىنشى توپ فيزيكالىق جاتتىعۋ جاساپتى، ال ءۇشىنشى توپ قورقىنىشتى فيلم قاراعان ەكەن. ناتيجەسىندە ءۇشىنشى توپتىڭ ادامدارى ونەر تۋىندىسىنان ەرەكشە ءلاززات الىپ، ولاردىڭ تۋىندىنى قابىلداۋى ەيفورياعا ۇلاسقان.

Massaget.kz