استانادا «التىن كوپىر» سالىنادى

استانا. قازاقپارات - استانادا وتەتىن جىبەك جولى قالالارىنىڭ باسشىلارى فورۋمىندا «التىن كوپىردىڭ» ىرگەتاسى قالانادى، دەپ حابارلايدى قازاقپارات ءتىلشىسى.

«Global Silk Road» قالا مەرلەرىنىڭ فورۋمىندا استانادا تۇرعىزىلاتىن «التىن كوپىردىڭ» ىرگەتاسى قالانادى. جىبەك جولى حالىقتارىنىڭ دوستىعىن بەينەلەيتىن بۇل كوپىردىڭ اۆتورى - الەمگە تانىمال قىتايلىق ساۋلەتشى شۋ يۋن. كوپىر ۇزىندىعى 28 مەتردى قۇرايدى. بۇل تاعدىرى ورتاق، مۇددەسى ورتاق جاھاندىق قاۋىمداستىق قۇرۋ ارمانىن بىلدىرەدى»، - دەدى G- Global حالىقارالىق حاتشىلىعى باسشىسىنىڭ ءبىرىنشى ورىنباسارى مۇرات قارىمساقوۆ و ك ق- دە وتكەن باسپا ءسوز- كونفەرەنسياسىندا.

ەسكە سالا كەتەيىك، جىبەك جولى قالالارىنىڭ مەرلەرى باس قوساتىن «Global Silk Road» فورۋمى استانادا 2-3 شىلدە كۇندەرى وتەدى.

فورۋمدا ХХІ عاسىرداعى جىبەك جولىن سيفرلاندىرۋدىڭ ماڭىزدى ماسەلەلەرى، تۇراقتى دامۋ، ەكونوميكالىق تەڭسىزدىكتى تومەندەتۋ، حالىقارالىق ساۋدانىڭ جاڭا ەرەجەلەرى، كريپتوۆاليۋتالاردى پايدالانۋ، ايەلدەر مەن جاستاردىڭ، ۇكىمەتتىك ەمەس ۇيىمداردىڭ ماڭىزدى ماسەلەلەرى تالقىلانادى.

فورۋم سوڭىندا جىبەك جولى ەلدەرىندەگى قالالار باسشىلارىنىڭ كلۋبى قۇرىلادى دەپ كۇتىلۋدە. سونداي- اق، بيزنەس، عىلىم، ۋنيۆەرسيتەتتەر، ب ا ق، ادەبيەت پەن ونەر، تۋريزم، سپورت باعىتتارى بويىنشا قاۋىمداستىقتار مەن بىرلەستىكتەر اشىلادى. مەكتەپكە دەيىنگى ءبىلىم بەرۋ، تۋريزم، سپورت بويىنشا كوممەرتسيالىق قۇجاتتارعا قول قويىلادى.

سونداي-اق، شارا اياسىندا جىبەك جولى ەلدەرىنىڭ ارداگەر فۋتبولشىلارى مەن قالا باسشىلارى جولداستىق كەزدەسۋ وتكىزەدى.