تورەعالي تورەالىنىڭ نەگىزگى ماماندىعى اكتەر

  استانا. قازاقپارات - تورەعالي تورەالىنى كوپشىلىك ايتىسكەر اقىن، كەيىننەن حيت اندەردىڭ ورىنداۋشىسى رەتىندە تانىدى. الايدا تورەشتىڭ ديپلوم بويىنشا العان ءبىلىمى باسقا.

 ول اسىلحان تولەپوۆ، ايان وتەپبەرگەن، انار باتىرحان سىندى كينوجۇلدىزدارمەن ءبىر توپتا وقىعان. ياعني، ۇلى دالا بالاسىنىڭ دا نەگىزگى ماماندىعى اكتەر، دەپ جازادى Stan.kz اقپاراتتىق اگەنتتىگى.

بۇل ورايدا تورەعالي تورەالى ءوز ءومىرى جايلى فيلم ءتۇسىرىپ، ماماندىق بويىنشا جۇمىس ىستەگەلى جاتىر.

«اللا قالاسا، مەنى اكتەر رەتىندە كورەسىزدەر. ەسىم سەگىزبايەۆ اكتەرلىك شەبەرلىكتەن ساباق بەرگەن ۇستازىم. سول كىسىنىڭ اق باتاسىن الۋ كەرەك. سول كىسىنىڭ ۇياسىنان تىلەپ ۇشقاننان كەيىن، ويىمداعى نارسە وسى كينو. ول كىسىنىڭ شاكىرتتەرى وتە كوپ. قىدىرالى بولمانوۆ، «الاش ۇلى»  توبى. بۇل ونەردى وقىعاننان كەيىن، امانات قىلىپ جۇكتەپ مويىنعا العاننان كەيىن كورسەتۋىم كەرەك شىعار؟ ! نە تەاتردا جۇمىس ىستەۋىم كەرەك، نە فيلمگە ءتۇسۋىم كەرەك. ول - مەنىڭ ماماندىعىم. سوندىقتان ماماندىق بويىنشا جۇمىس جاسايىن دەپ تۇرمىز»، - دەپ ءتۇسىندىردى ول.