فيرۋزا ءشارىپوۆانىڭ كەزەكتى قارسىلاسىنىڭ كىم ەكەنى بەلگىلى بولدى
قازاقستاندىق بوكسشى قىز يسپانيالىق بىلعارى قولعاپ شەبەرى ميريام گۋتەررەسپەن كەزدەسەدى.
يسپانيا چەمپيونى، الەم جانە ەۋروپا چەمپيوناتىنىڭ جۇلدەگەرى م. گۋتەررەس كاسىبي بوكس الاڭىندا 7 رەت جۇدىرىقتاسقان. جەتى جەكپە-جەكتە دە جەڭىس تۇعىرىنا كوتەرىلگەن. ونىڭ 3-ۋىندە قارسىلاسىن ۋاقىتىنا جەتپەي تىزە بۇكتىرگەن.
جەكپە-جەكتىڭ قاشان ءارى قايدا بولاتىنى ازىرگە بەلگىسىز.
«بۇل جەكپە-جەك فيرۋزانىڭ ەۆا ۆالسترەممەن كەزدەسۋىنە دايىندىق بولماق. تولىق اقپارات جەكپە- جەككە قاعاز جۇزىندە سانكتسيا العاندا ءبىر- اق بەلگىلى بولادى»، - دەدى ءشارىپوۆانىڭ مەنەدجەرى سەرگەي زاۆيلەيسكي.
ايتا كەتۋ كەرەك، فيرۋزا ءشارىپوۆا 30-جەلتوقساندا الماتىدا بەلگيالىق دجەميللا گونتاريۋكتى تىزە بۇكتىرگەن بولاتىن.
ەندى فيرۋزا فين سپورتشىسى ەۆا ۆالسترەممەن 2018 -جىلدىڭ قازانىندا موناكودا كەزدەسەدى.
