ديماش ازيا-تىنىق مۇحيت ايماعىنىڭ ەڭ تانىمال ارتىستەرىنىڭ تىزىمىندە تاعى كوش باستادى

استانا. قازاقپارات - قازاق ءانشىسى ديماش قۇدايبەرگەن ازيا-تىنىق مۇحيت ايماعىنىڭ ەڭ تانىمال ارتىستەرىنىڭ تىزىمىندە تاعى دا كوش باستادى، دەپ حابارلايدى قازاقپارات ءتىلشىسى.

بۇل تۋرالى ءوزىنىڭ ينستاگرام پاراقشاسىندا ءانشىنىڭ اكەسى قانات ايتبايەۆ جازدى.

«ديماش ازيا-تىنىق مۇحيت ايماعىنىڭ ەڭ تانىمال ارتىستەرىنىڭ تىزىمىندە ءبىرىنشى ورىندى ساقتاپ قالدى. تىزىمدە تەك انشىلەر عانا ەمەس، كينو اكتەرلارى، وڭتۇستىك كورەيا، جاپونيا، تايلاند جانە وزگە دە ەلدەردىڭ بارلىق جانرداعى ارتىستەرى بار»، - دەپ جازدى قانات ايتبايەۆ.

ەسكە سالا كەتسەك، وتكەن جىلدىڭ ناۋرىز ايىندا دا ديماش قۇدايبەرگەن ازيانىڭ ەڭ تانىمال ءانشىسى اتالىمى بويىنشا ماراپاتتالعان بولاتىن. انشىگە نوميناتسيا 24-كەزەكتى «China Top music Awards» شاراسىندا، قىتايدىڭ شاڭحاي قالاسىنداعى Mercedes Benz Arena-سىندا تابىستالعان ەدى. كەشتە ديماش ءوزىن بارشا الەمگە تانىمال بولۋىنا سەبەپكەر، الەمدە ەڭ قيىن بەس ءاننىڭ ءبىرى سانالاتىن فرانسۋزدىڭ «SOS d'un terrien endétresse» ءانىن شىرقاعان.