ق ر پرەمەر-ءمينيسترى جۇمىس ساپارىمەن اقمولا وبلىسىنا كەلدى

استانا. قازاقپارات - بۇگىن مەملەكەت باسشىسىنىڭ تاپسىرماسى بويىنشا ق ر پرەمەر-ءمينيسترى باقىتجان ساعىنتايەۆ وڭىردە پرەزيدەنتتىڭ «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك»، «ءتورتىنشى ونەركاسىپتىك ريەۆوليۋتسيا جاعدايىنداعى دامۋدىڭ جاڭا مۇمكىندىكتەرى» جولداۋلارى مەن «بەس الەۋمەتتىك باستاماسىنىڭ» ىسكە اسىرىلۋ بارىسىمەن تانىسۋ ءۇشىن اقمولا وبلىسىنا جۇمىس ساپارىمەن كەلدى.

بۇل تۋرالى قازاقپارات primeminister.kz سىلتەمە جاساپ حابارلايدى.

اقمولا وبلىسى - ەلىمىزدىڭ نەگىزگى اگرارلىق- ونەركاسىپتىك وڭىرلەرىنىڭ ءبىرى. باقىتجان ساعىنتايەۆ وڭىرگە كەلگەننەن كەيىن «قازاقستاننىڭ اگرو يننوۆاتسيالىق كورپوراتسياسى» ج ش س اۋىل شارۋاشىلىعى جانە كوممۋنالدىق تەحنيكانىڭ يندۋستريالىق-تەحنولوگيالىق پاركىندە بولدى. ق ا ي ك جۇمىسىنىڭ مىسالىندا پرەمەر-مينيستر وڭىردە يندۋستريالىق-يننوۆاتسيالىق دامۋ مەملەكەتتىك باعدارلاماسىنىڭ ىسكە اسىرىلۋ بارىسىمەن، سونداي-اق وبلىستىڭ كاسىپورىندارىندا سيفرلىق تەحنولوگيالار مەن يندۋستريا 4.0 ەلەمەنتتەرىن ەنگىزۋ شارالارىمەن تانىستى.

اكىمدىكتىڭ مالىمەتى بويىنشا، اقمولا وبلىسىنداعى ونەركاسىپ ءوندىرىسىنىڭ كولەمى وسى جىلدىڭ قاڭتار-مامىر ايلارىندا 244,8 ميلليارد تەڭگەنى، ن ك ي ونىمدەرى - 2017-جىلعى ءتيىستى كەزەڭمەن سالىستىرعاندا %102,8 قۇرادى. جالپى سەگىز جىل ىشىندە يندۋستريالاندىرۋ كارتاسى اياسىندا 79 ينۆەستيتسيالىق جوبا جۇزەگە اسىرىلىپ، 7,9 مىڭ جۇمىس ورنى اشىلدى. 2018-جىلى 53,4 ميلليارد تەڭگە سوماسىنا 1330 جاڭا تۇراقتى جۇمىس ورنىن اشۋمەن التى جوبا جوسپارلانعان. بۇدان وزگە، 2018-جىلدان كەيىن پايدالانۋعا بەرۋ مەرزىمىمەن، 473,5 ميلليارد تەڭگە سوماسىنا، 3 مىڭ جاڭا جۇمىس ورنىن قۇرۋمەن ءتورت جوبا بويىنشا جۇمىس جالعاسىن تاپپاق.

بۇگىنگى تاڭدا مەتاللۋرگيا، ماشينا جاساۋ، حيميا جانە ازىق-تۇلىك ونەركاسىبى، قۇرىلىس يندۋسترياسى سالاسىنداعى 20 عا جۋىق ءىرى كومپانيالار ونىمدىلىك قۋاتىن ۇلعايتىپ، جۇمىس پروتسەستەرىن وڭتايلاندىرۋعا مۇمكىندىك بەرەتىن جاڭا سيفرلىق تەحنولوگيالاردى ەنگىزىپ جاتىر.

سەحتى ارالاۋ بارىسىندا پرەمەر-مينيستر اۋىل شارۋاشىلىعى تەحنيكاسىن قۇراستىرۋدىڭ تەحنولوگيالىق ۇدەرىسىمەن تانىستى. «قازاقستاندىق اگرو يننوۆاتسيالىق كورپوراتسيا» ج ش س ديرەكتورى و. بالىبين ي د م ب اياسىندا ىسكە قوسىلعان زاۋىت 201-جىلى 698 ميلليون تەڭگە سوماسىنا 507 بىرلىك اۋىل شارۋاشىلىعى تەحنيكاسىن شىعارعانىن؛ 2018-جىلدىڭ ءۇش ايىندا 265 ميلليون تەڭگەگە 208 بىرلىك تەحنيكا شىعارىلعانىن مالىمدەدى.

ۇكىمەت جىل سايىن ا و ك- ءتىڭ تەحنيكالىق جابدىقتالۋ دەڭگەيىن كوتەرۋگە كوڭىل بولەدى. وتكەن جىلى جالپى 32,6 ميلليارد تەڭگە سوماسىنا 288 تراكتور، 263 جوعارى ءونىمدى استىق جيناۋ كومباينى جانە 88 ەگىس كەشەنى ساتىپ الىندى. تەحنيكانىڭ نەگىزگى تۇرلەرى بويىنشا جاڭارۋ پايىزى %2,6 قۇرادى. وسى جىلدىڭ بەس ايىندا 576 بىرلىك اۋىل شارۋاشىلىعى تەحنيكاسى ساتىپ الىندى، ونىڭ ىشىندە 101 تراكتور، 29 كومباين، 53 ەگىس كەشەنى - 7,5 ميلليارد تەڭگەگە. اۋىل شارۋاشىلىعى تەحنيكاسىن سۋبسيديالاۋعا 3,4 ميلليارد تەڭگە قاراستىرىلعان.

ءوڭىردىڭ اوك دامىتۋ بارىسىمەن تانىسۋ «بيجان ەت وڭدەۋ زاۋىتى» ج ش س نىسانىندا جالعاسادى، وندا ب. ساعىنتايەۆقا پرەزيدەنتتىڭ دايىن اۋىل شارۋاشىلىعى ءونىمىنىڭ ەكسپورتىن ۇلعايتۋ جونىندەگى تاپسىرماسىنىڭ ورىندالۋى تۋرالى باياندايدى.

وبلىستىڭ اگرارشىلارىمەن كەزدەسۋدە اوك دامىتۋدىڭ جانداندىرىلعان مەملەكەتتىك باعدارلاماسى اياسىندا ۇسىنىلاتىن، اۋىل شارۋاشىلىعى تاۋارىن وندىرۋشىلەردى قولداۋدىڭ جاڭا مۇمكىندىكتەرى، قۇرالدارى مەن تەتىكتەرى، سونداي-اق ەلوردانىڭ ازىق-تۇلىك بەلدەۋىن قامتاماسىز ەتۋ بويىنشا قابىلدانىپ جاتقان شارالار تالقىلانادى.

سونداي-اق، جۇمىس ساپارى بارىسىندا ءبىرقاتار ونەركاسىپتىك جانە الەۋمەتتىك نىسانداردى ارالاۋ جوسپارلانعان.