بەيجىڭدە «ەل جۇرەگى - استانا» اتتى باسكەتبول تۋرنيرى وتكىزىلدى

جارىسقا 4 كوماندا قاتىستى. قىرىققا جۋىق سپورتشىنىڭ قاتارىندا - قازاقستاندىق ديپلوماتتار مەن ۇلتتىق كومپانيالاردىڭ وكىلدەرى بولدى. تۋرنيگە قاتىسۋشىلار الدىندا قازاقستاننىڭ ق ح ر- داعى ەلشىسى شاحرات نۇرىشەۆ ءسوز سويلەپ ساتتىلىك تىلەدى.

تۋرنيردىڭ ەڭ ناتيجەلى ويىنشىسى باۋىرجان جاپاروۆ، ۇزدىك دوپ قاعىپ الۋشى- تيمۋر مالىكوۆ، ءۇش ۇپايلى دوپ سالۋدان ۇزدىك - نۇرلان بايجانوۆ بولىپ تانىلدى. «ۇزدىك دوپ بەرمەۋشى» رۋستام تۋپي اتاندى.

«ەگەمەندىك تۇسىنداعى 20 جىلدا استانامىز ساياسي، ەكونوميكالىق جانە مادەني- گۋمانيتارلىق سالالاردا عانا تانىلىپ قويماي، سپورت باعىىتندا دا كوزگە ءتۇستى. وسىنداي شارالار وتانىمىزدان شالعايداعى بىزدەرگە استانانىڭ 20 جىلدىعىن سەزىنۋگە مۇمكىندىك بەرەدى. ەلوردانىڭ مەرەيتويى - بۇل بارشا قازاقستاندىقتار ءۇشىن وتە ماڭىزدى وقيعا»، - دەدى «قازاقپارات» ح ا ا تىلشىسىنە بەرگەن سۇحباتىندا ب. جاپاروۆ.

ەسكە سالا كەتسەك، 2017-جىلى 27- قىركۇيەكتە ق ر پرەزيدەنتى ن. نازاربايەۆ بەكىتكەن «ەل جۇرەگى - استانا» قازاقستان استاناسىنىڭ 20 جىلدىعىن اتاپ ءوتۋ جونىندەگى تۇجىرىمداماسى ءتۇرلى قوعامدىق-ساياسي جانە مادەني-بۇقارالىق ءىس-شارالاردى ۇيىمداستىرۋدى قاراستىرادى.

«ەل جۇرەگى - استانا» اياسىندا ق ح ر- داعى قازاقستان ەلشىلىگى اقپان ايىندا تەننيس تۋرنيرىن، ناۋرىزدا فۋتبول چەمپيوناتىن ۇيىمداستىردى.