قاسىم-جومارت توقايەۆ شۆەيتساريا ەلشىسىن قابىلدادى
قاسىم-جومارت توقايەۆ قازاقستاننىڭ ەۋروپاداعى ساۋدا، ينۆەستيتسيا جانە سىرتقى ساياساتتاعى ماڭىزدى ارىپتەسى بولىپ تابىلاتىن شۆەيتساريامەن ەكىجاقتى قاتىناستارىنىڭ قارقىندى سيپاتىن اتاپ ءوتتى.
سەنات ءتوراعاسى ەكى ەلدىڭ زاڭ شىعارۋ ورگاندارىندا جۇمىس ىستەيتىن دوستىق توپتارى سىندارلى ءرول اتقاراتىن پارلامەنتارالىق ءۇن قاتىسۋدىڭ بارىسىن جوعارى باعالادى. قازاقستان مەن شۆەيتساريا پارلامەنتشىلەرى حالىقارالىق پارلامەنتتىك ۇيىمداردا، ونىڭ ىشىندە ە ق ى ۇ پارلامەنتتىك اسسامبلەيا اياسىندا تابىستى ىنتىماقتاسىپ كەلەدى.
ەلشى الداعى 9-12- شىلدەدە ەكونوميكالىق ىنتىماقتاستىقتىڭ ماسەلەلەرىن قاراستىرۋ جانە تالقىلاۋ ءۇشىن كەلەتىن ەكونوميكا، ءبىلىم جانە زەرتتەۋلەر ءمينيسترى يوحانن شنايدەر- اممان باستاعان ساۋدا-ينۆەستيتسيالىق دەلەگاتسياسىنىڭ ساپارى تۋرالى حاباردار ەتتى.
قازاقستاننىڭ ەۋرازياداعى ءرولى مەن ورنىن ەسكەرە وتىرىپ، بەرندە بۇل ساپارعا باسا نازار اۋدارىپ وتىر.