قازاقستان كلۋبتارىنىڭ ەۋروپا ليگاسىنداعى العاشقى قارسىلاستارى بەلگىلى بولدى

قوستانايدىڭ «توبىل» كلۋبى گرۋزيانىڭ «سامترەديا» كومانداسىمەن كەزدەسەدى. العاشقى ويىن 12- شىلدەدە گرۋزيادا، قوستانايداعى قارىمتا كەزدەسۋى 19- شىلدەدە بولادى.

پاۆلودارلىق «ەرتىس» ۋەلستىڭ «درۋيدس ا ف ك» جانە ليتۆانىڭ «تراكاي ف ك» كوماندالارى اراسىنداعى كەزدەسۋدىڭ جەڭىمپازىمەن كۇش سىناسادى. 12- شىلدەدەگى العاشقى ويىن سىرت الاڭدا وتەدى. وسى جۇپتىڭ دا قارىمتا ويىنى 19- شىلدەدە (پاۆلوداردا) بولادى.

قازاقستان چەمپيوناتىنىڭ كۇمىس جۇلدەگەرى الماتىنىڭ «قايرات» كومانداسى اندوررانىڭ «ەنگورداني» جانە سان-مارينونىڭ «فولگور» كوماندالارى اراسىنداعى ويىنداردىڭ جەڭىمپازىن سىناقتان وتكىزەدى. بۇل جۇپتىڭ دا العاشقى ويىندارى 12- شىلدە كۇنى سىرت الاڭدا، قارىمتا ويىنى الماتىدا 19- شىلدەدە بولادى.

ءبىرىنشى راۋندتان وتكەن كوماندالار 26- شىلدەدە جانە 2- تامىزدا وتەتىن ەكىنشى راۋند كەزدەسۋلەرىنە قاتىسادى.