يران مۇناي ءوندىرۋدى ۇلعايتۋ ۇسىنىسىن قابىلدامادى
استانا. قازاقپارات - يران رەسەي مەن ساۋد ارابياسىنىڭ مۇناي ءوندىرۋ كولەمىن ۇلعايتۋ تۋرالى جوسپارىن قابىلداماي تاستادى.
ءىرى مۇناي تۇتىنۋشى ەلدەردىڭ مۇناي باعاسىنىڭ قىمباتتاۋىنا بايلانىستى نارازىلىعىنا جاۋاپ رەتىندە دايىندالعان جوسپار وسى اپتادا و پ ە ك ەلدەرىنىڭ جيىنىندا ۇسىنىلادى.
«ءبىز بۇل كەزدەسۋدە كەلىسىم جاساي الاتىنىمىزعا سەنبەيمىن» دەدى يران مۇناي ءمينيسترى بيجان زانگانە 19- ماۋسىمدا ۆەناعا بارعان سوڭ.
ماسكەۋ مەن ەر-رياد وپەك پەن باسقا دا ءىرى مۇناي ءوندىرۋشى ەلدەر 2016-جىلى كەلىسكەن شەكتەۋلەردىڭ كوبىن جويۋدى ۇسىنعان. 2016-جىلى و پ ە ك پەن ءىرى مۇناي ءوندىرۋشى ەلدەر ءوندىرىس كولەمىن تاۋلىگىنە 1,8 ميلليون باررەلگە دەيىن قىسقارتۋعا كەلىسكەن ەدى. ۇسىنىس ا ق ش، قىتاي جانە باسقا دا مۇناي تۇتىنۋشى ءىرى ەلدەر مۇناي باعاسىن ارزانداتۋ شارالارىن قولعا الۋعا شاقىرعان كەزدە جاسالىپ وتىر.
يران و پ ە ك- ءتىڭ وزگە ىقپالدى ءۇش ەلى - يراك، الجير جانە ۆەنەسۋەلامەن بىرگە ۇسىنىسقا قارسى ەكەنىن ءبىلدىردى. بيجان زانگانە ا ق ش پرەزيدەنتى دونالد ترامپ تاياۋدا عانا ءوندىرىس كولەمىن ۇلعايتۋعا پارمەن بەرگەنىن ەسكە سالدى.
«ترامپ ۆەنەسۋەلا مەن يرانعا سانكسيالار سالىپ، مۇناي نارىعىندا قيىندىقتار تۋدىردى. ەندى ول و پ ە ك باعانى كوتەرۋ ءۇشىن بىرنارسە ىستەيدى دەپ كۇتىپ وتىر. بۇل - ادىلدىك ەمەس. و پ ە ك - ترامپتىڭ ايتقانىمەن جۇرەتىن ۇيىم ەمەس» دەدى زانگانە.
«ازاتتىق»
