قازاقستاندىق نوكاۋتشى امەريكالىق بوكسشىمسەن وتەتىن كەلەسى جەكپە-جەگى تۋرالى حابارلادى
31 جاستاعى ەيۋبوۆ العاشقى جارتىلاي ورتا سالماقتا 32 جاستاعى امەريكالىق نيكولاس گيۆانمەن (21-1-1، 11 ك و) جۇدىرىقتاسادى. جەكپە-جەك 10 راۋندقا ەسەپەلگەن.
ەيۋبوۆ پەن گيۆان ۇلكەن بوكس كەشىنىڭ قاتىسۋشىلارى، بۇل كەشتىڭ باستى جەكپە-جەگىندە امەريكالىق كلارەسس شيلدس (5-0، 5 ك و) پەن كوستا-ريكالىق حاننا گابريەلس (18-1-1، 11 ك و) جۇدىرىقتاسادى. باستى جەكپە-جەككە ورتا سالماقتاعى IBF جانە WBA بەلبەۋلەرى تىگىلەدى.
قازاقستاندىق بوكسشى ءوزىنىڭ الەۋمەتتىك جەلىسى ارقىلى: «ال سەن دايىنسىڭ با؟» - دەپ سۇراپتى.
كاسىپقوي رينگتە بىردە-ءبىر رەت جەڭىلىپ كورمەگەن باحتيار ءۇشىن بۇل 14- جەكپە-جەك، 11 كەزدەسۋدى ول مەرزىمىنەن بۇرىن اياقتاعان. سوڭعى جەكپە-جەكتە ەيۋبوۆ 41 جاستاعى موريس چالمەرسپەن (14-13-1، 8 ك و) جۇدىرىقتاسىپ، كەزدەسۋ امەريكالىقتىڭ جاراقاتىنا بايلانىستى ءبىرىنشى راۋندتا اياقتالدى جانە وتكەن جوق دەپ ەسەپتەلدى.