اسا اۋىر سالماقتاعى قازاقستاندىق بوكسشى گرۋزيالىق قارسىلاسىن جەڭدى

كيەۆتە وتكەن بوكس كەشىندە كوسوبۋتسكي گرۋزيالىق يراكلي گۆەنەتادزەمەن (10-7، 9 ك و) كەزدەستى. اۋىر سالماقتاعى بوكسشىلاردىڭ جەكپە-جەگى 6 راۋندقا جوسپارلانعان بولاتىن.

كوسوبۋتسكي العاشقى ساتتەن باستاپ شەبەرلىگىن كورسەتە باستادى. گۆەنەتادزە دجەپتەردى كوپ وتكىزىپ وتىردى. ونىڭ ۇستىنە، قازاقستاندىق بوكسشى ونى رينگتىڭ ارقاندارىنا قىسىپ، وڭ جانە سول جاق بۇيىردەن سوققىلار جاۋدىردى. ءساتتى جاسالعان سوڭعى سوققىلاردان كەيىن يراكلي نوكداۋنعا ءتۇستى. ەكىنشى راۋندتا گۆەنەتادزە ايقاستى جالعاستىرۋدان باس تارتتى. جەڭىس تەحنيكالىق نوكاۋتپەن جان كوسوبۋتسكيگە بەرىلدى.

وسىلايشا، ول التىنشى جەكپە-جەگىن نوكاۋتپەن اياقتاپ، كاسىپقوي بوكستاعى جەڭىستى جولىن جالعاستىرۋدا. 27 جاستاعى گرۋزيالىق بوكسشى 10 ايقاس وتكىزىپ، ونىڭ 8 ىندە جەڭىلىس تاپتى.