الەم چەمپيوناتىندا رەسەيدەن جەڭىلگەن ساۋد ارابياسىنىڭ فۋتبولشىلارى جازالانادى

ساۋد ارابياسى فۋتبول فەدەراتسياسىنىڭ باسشىسى ادەل يززاتتىڭ ايتۋىنشا، جەڭىلىس ءۇشىن ەل بيلىگى رەنىش بىلدىرگەن.

«بۇل وتە كوڭىل تولمايتىن ناتيجە، ءبىزدىڭ دايىندىق دەڭگەيىمىزدى قانداي ەكەنى كورىنىپ قالدى» ، - دەيدى يززات.

ونىڭ ايتۋىنشا، شابۋىلشى موحامماد اس- ساحلاۆي، قورعاۋشى ومار حاۆساۆي مەن قاقپاشى ابداللاح ءال- مايۋف تارتىپتىك جازا الادى.

ساۋد ارابياسىنىڭ سپورت كوميتەتىنىڭ ءتوراعاسى، تۋرك ءال- اش- شەيح ويىندى «تولىق ءساتسىز ويىن» دەپ باعالادى.

«بۇگىن ويىنشىلار مەنىڭ اتىما داق ءتۇسىردى، ءبىز تولىق جەڭىلدىك. ءبىز ەڭ ۇزدىك جاتتىقتىرۋشىلارمەن كەلىسىم- شارتقا وتىرعانداعى ويىنشىلاردىڭ بار مۇمكىندىگى وسى ما؟ وكىنىشكە قاراي، ولاردىڭ قولىنان كەلەتىنى وسى عانا» ، - دەدى ول.

پاتشالىق ديناستيانىڭ مۇشەسى ساتتام حاليد ءال ساۋد Twitter ارقىلى ءوز ويىن ءبىلدىردى.

«ەلىمىز ويىنشىلاردىڭ جەڭۋى ءۇشىن بار مۇمكىندىكتى جاسادى. وكىنىشكە قاراي، ويىنشىلار حالقى مەن وتانىن قۇرمەتتەمەيدى» ، - دەپ جازدى ول.

14 - مامىردا الەم چەمپيوناتىندا رەسەي فۋتبول قۇراماسى ساۋد ارابياسىنىڭ قۇراماسىن 5:0 ەسەبىمەن جەڭدى.

Baq.kz