جۇزدەن اسا ادامنىڭ ءومىرىن جالماعان گۆاتەمالاداعى جانارتاۋ قايتا وياندى
استانا. قازاقپارات - بۇعان دەيىن 100-دەن استام ادامنىڭ ءومىرىن قيعان گۆاتەمالاداعى فۋەگو جانارتاۋى قايتا وياندى. بۇل تۋرالى ورتالىق امەريكالىق مەملەكەتتىڭ ۇلتتىق سەيسمولوگيا ينستيتۋتىنىڭ مالىمەتتەرىنە سىلتەمە جاساپ Prensa Libre حابارلادى.
اتاپ وتىلگەندەي، ماماندار جانارتاۋدىڭ كراتەرىندەگى جارىلىستاردى تىركەگەن. ال گازدار مەن ىستىق كۇل 5 ك م بيىكتىككە دەيىن اتقىلاۋدا.
ساراپشىلار كۇلدىڭ جانارتاۋعا جاقىن ورنالاسقان ەلدى- مەكەندەرگە، سونىڭ ىشىندە ەلدىڭ بۇرىنعى استاناسى انتيگۋاعا دا ءتۇسۋى مۇمكىندىگىن جوققا شىعارمايدى.
بۇعان دەيىن قازا تاپقاندار سانى 100-دەن اسىپ، 200 ادام ءىز- ءتۇزسىز جوعالىپ كەتكەنى حابارلانعان بولاتىن.
گۆاتەمالادا فۋەگو جانارتاۋى 3 - ماۋسىم كۇنى اتقىلاي باستادى.
