جاڭاجۇلدىز اۋىلىنداعى «التىن توبە» ساق قورعانىندا جۇمىس قايتا جاڭعىردى
«التىن توبە» ساق قورعاندارى نوۆوسىبىر وبلىسىمەن شەكارالاس جاڭاجۇلدىز اۋىلىندا ورنالاسقان»، - دەدى اۋدان باسشىسى.
- سوڭعى رەت مۇنداي قازبا جۇمىستارى 70- جىلدارى پروفەسسور چالايا كەلگەندە عانا جۇرگىزىلدى. ول جىلدارى پروفەسسور العاشقى ادامداردىڭ تۇراعىن زەرتتەگەن بولاتىن. بيىل «رۋحاني جاڭعىرۋ» باعدارلاماسى اياسىندا بۇل جۇمىستى قايتا جاڭعىرتىپ وتىرمىز. كەشە عانا اۋدانعا پاۆلودار مەملەكەتتىك پەداگوگيكالىق ۋنيۆەرسيتەتىنىڭ «مارعۇلان» ورتالىعىنان ماماندار كەلدى. الداعى ۋاقىتتا ولارعا ورتالىق جەتەكشىسى تيمۋر سماعۇلوۆ قوسىلادى. سونىمەن قاتار، اۋداننىڭ 70-كە جۋىق جوعارى سىنىپ وقۋشىلارى دا وسى ەكسپەديتسياعا قاتىسۋعا نيەت بىلدىرۋدە. ەكسپەديتسيا تەحنيكامەن جانە وزگە دە جابدىقتارمەن قامتىلعان» .
«مارعۇلان» ورتالىعىنىڭ جەتەكشىسى تيمۋر سماعۇلوۆ ەكسپەديتسيا ەكى ايعا جالعاساتىنىن ايتتى.
- ءبىزدىڭ ماقساتىمىز - كوشپەندىلەردىڭ بىرەگەي ەسكەرتكىشتەرىن زەرتتەۋ. وسى جەردە العاشقى رەت ارنايى عىلىمي باعدارلامانى قولدانىپ، جۇيەلى جۇمىس جۇرگىزەتىن بولامىز. ەكسپەديتسيا ماۋسىم جانە شىلدە ايلارىندا وتەدى، - دەدى تيمۋر سماعۇلوۆ.
قانات قاشقيروۆتىڭ ايتۋىنشا «التىن توبەدە» جۇرگىزىلگەن زەرتتەۋلەر ناتيجەسى عىلىمي- تاجىريبەلىك كونفەرەنسيا بارىسىندا ايتىلاتىن بولادى.
