الماتىدا كولىك توراپتارى جاڭعىرتىلىپ جاتىر

بۇل تۋرالى «تۋريزمدى دامىتۋدىڭ 100 قادامى» باعدارلاماسى بويىنشا وتكەن وتىرىستا قالا اكىمىنىڭ ورىنباسارى مۇرات دارىبايەۆ ءمالىم ەتتى، دەپ حابارلايدى قازاقپارات ءتىلشىسى.

ونىڭ ايتۋىنشا، كەلەسى ايدان باستاپ بارلىق قالاارالىق جانە حالىقارالىق رەيستەر «سايران» اۆتوۆوكزالى ارقىلى ىسكە اسپاق. قازىرگى كەزدە عيمارات قايتا جاسالىپ، ونىڭ اينالاسى اباتتاندىرىلدى، كولىك- لوگيستيكالىق ينفراقۇرىلىم جاڭعىرتىلۋدا.

«بارلىق زاڭسىز كونسترۋكتسيالار الىنىپ تاستالدى. عيماراتتىڭ كىرەبەرىس بولىگىن قايتا جاساۋ جوسپارلانعان، سونىمەن قاتار تاكسي تۇراقتارى مەن حالىقارالىق قاتىناس ايماعى كەڭەيەدى. نىسان ىشىندە لوكالدى تۋريستىك ورتالىق ۇيىمداستىرۋ قاراستىرىلۋدا، وعان جاقىن جانە الىس شەتەلدەرمەن جۇمىس جاسايتىن قالالىق تۋروپەراتورلار ورنالاساتىن بولادى. اۆتوۆوكزال عيماراتىنىڭ ىشىندە قوعامدىق تاماقتاندىرۋ نۇكتەلەرىن اشۋ ءۇشىن حالىقارالىق برەندتەرمەن كەلىسسوزدەر جۇرۋدە»، - دەدى مۇرات دارىبايەۆ.

بۇدان وزگە «قازاقستان تەمىر جولىمەن» بىرگە «الماتى-1» جانە «الماتى-2» تەمىرجول ۆوكزالدارىن قايتا جاساۋ جۇمىستارى جۇرۋدە. 200 ءاۆتوموبيلدى قىسقا پروكاتكا بەرۋ سەرۆيسىن اشۋ جوسپارلانعان. وتكەن جىلى الماتىدا قوعامدىق كولىكتىڭ 479 بىرلىگى الىنسا، بيىلعى جىلى تاعى دا 569 جاڭا اۆتوبۋس قاتارعا قوسىلماق.

ارايلىم جولداسباي