اۋعا تۇسكەن قۇسباستى بالىقتىڭ ۆيدەوسى جەلىنى شارلاپ كەتتى
استانا. قازاقپارات - قىتايدىڭ گۋيان قالاسىندا بالىقشى قۇسباستى بالىق اۋلادى.
تاڭعاجايىپ سۋ جاندىگىنىڭ ۆيدەوسى Youtube ۆيدەوحوستينگىسىندە قىزۋ تالقىلانىپ جاتىر، دەپ حابارلايدى قازاقپارات.
ۆيدەودان ىرىلەۋ كەلگەن بالىقتىڭ جەردە ءشول قىسىپ جانتالاسىپ جاتقانى كورىنەدى. تۇرقى تۇقى بالىققا ۇقسايتىن سۋ جاندىگىنىڭ باسى كوگەرشىنگە ۇقساس.
ۆيدەونىڭ استىندا جەلى پايدالانۋشىلارى تۇرلىشە پىكىر قالدىرىپ جاتىر. كەيبىرەۋلەر ونى تابيعاتتاعى سيرەك كەەزدەسەتىن وقيعا دەسە، ەندى بىرەۋلەر جاراتىلىستىڭ ادامزاتقا بەلگىسىز تىلسىمى دەپ تە جازۋدا. ءتىپتى انتروپوگەندىك فاكتوردىڭ تابيعاتقا كەرى اسەرى ەكەنىن دالەلدەۋگە تىرىسقاندار دا بار.
