حاميتوۆ ءوزىن سوزبەن تۇيرەپ وتكەن ارمەنيالىق م م ا شەبەرىمەن جەكپە- جەككە شىققىسى كەلەدى

بۇل تۋرالى سپورتشى ينستاگرامداعى پاراقشاسىندا جازدى، دەپ حابارلايدى قازاقپارات ءتىلشىسى.

ايتا كەتسەك، بۇعان دەيىن داۆيد حاچاتريان حاميتوۆتىڭ بۇرىنعى قارسىلاسى پيتەر كۋيلليمەن جەكپە- جەككە شىعىپ، نوكاۋتپەن ۇتىلعان بولاتىن. اتالمىش جەكپە- جەك بولاردىڭ الدىندا قۋات حاميتوۆ كۋيلليدىڭ ايقاستى ۋاقىتىنان بۇرىن اياقتايتىنىن جازعان ەدى. دەسە دەگەندەي، حاميتوۆتىڭ ايتقانى ايداي كەلىپ، حاچاتريان جەڭىلىسكە ۇشىرادى. ايقاس اياقتالعاسىن حاميتوۆ ءوزىنىڭ ينستاگرامىندا:

«ەي، @fightnights (رەسەيلىك پروموۋتەرلىك كومپانيا - اۆت. ) ! مەن سەندەردىڭ بارلىعىڭا الاپات كۋيلليدىڭ ايقاستى مەرزىمىنەن بۇرىن اياقتايتىنىن ايتقان ەدىم عوي. ال سەندەر سەنبەدىڭدەر» ، - دەپ جازعان ەدى.

ءدال وسىعان كەلگەندە حاچاتريان شىداماي كەتسە كەرەك. ىلە- شالا وتانداسىمىزعا ينستاگرامىندا جاۋاپ بەرگەن.

«ولار بۇرىنعى مەنى ۇمىتىپ كەتىپتى. قازىر كوپ سويلەۋ مودا بولىپ كەتتى. تەك تۇسىنبەيتىنىم، مىنا «قۋاتتار» مەن «اليەۆتار» (ول دا سىناعان - اۆت. ) مەن وكتاگوندى باستاپ جۇرگەن كەزدە قايدا ءجۇردى؟ بالكىم، سيىر ساۋىپ جۇرگەن بولار.. . ال قازىر م م ا شەبەرلەرى بولىپ شىعا كەپتى. قۋات، سويلەي بەرگەنشە، جىلقى ەتىن جەپ جۇرە بەرمەيسىڭ بە» ، - دەلىنگەن سپورتشىنىڭ جازباسىندا.

جاۋاپ ءوزىن كوپ كۇتتىرگەن جوق. قازاقستاندىق ينستاگرامداعى پاراقشاسىندا وعان قىسقا دا نۇسقا جاۋاپ بەردى.

«@fightnights بۇل ايقاستى ۇيىمداستىرىڭدار!» ، - دەپ جازدى قۋات حاميتوۆ.