ورىستىڭ سالتىنا تاڭ قالعان كريشتيانۋ رونالدۋ توقتاماي كۇلدى

داڭقتى كريشتيانۋ رونالدۋ مەن ونىڭ كوماندالاستارى ماسكەۋ ىرگەسىندەگى «كراتوۆو» سپورتتىق بازاسىنا كەلىپ جايعاسقان. قۇرمەتتى قوناقتاردى ورىستار ءوز سالتى بويىنشا كۇتىپ الدى.

ياعني، كولدە جۇزگەن اققۋداي بوپ ۇلتتىق كيىم كيگەن ورىس قىزى «پودموسكوۆنىە ۆەچەرا» ءانىنىڭ سۇيەمەلدەۋىمەن پورتۋگالدىق دەلەگاتسياعا نان مەن تۇز ۇسىندى.

العاشىندا كريشتيانۋ رونالدۋ بۇل استى قالاي جەۋ كەرەك ەكەنىن تۇسىنبەگەن سىڭاي تانىتقان. كەيىن ناندى ءۇزىپ الدى دا، بەتىنە تۇز سەۋىپ جەي باستادى. ارتىنشا ول كوماندالاستارىنا بۇرىلىپ، بارلىعى بىرگە كۇلكىگە قارىق بولدى.

ايتا كەتەيىك، فۋتبولدان الەم چەمپيوناتى 14 -ماۋسىم كۇنى باستالادى. پورتۋگاليا ۇلتتىق قۇراماسى يسپانيامەن، موروككو جانە يرانمەن ءبىر توپقا تۇسكەن.

ۆيدەوداعى قىزىقتى ءسات 13 مينۋتتان باستالادى.

https://kaz.365info.kz