قازاقستاندىق ايدا ساتىبالدينوۆا جاراقات الدى: ايقاسى كەيىنگە شەگەرىلدى

«سالەم، دوستار! 15- ماۋسىمعا جوسپارلانعان جەكپە-جەگىمنىڭ بولمايتىنىن حابارلاعىم كەلەدى. بۇل جەكپە-جەك قولىمدى جاراقاتتاپ الۋىما بايلانىستى شىلدەگە اۋىستىرىلدى. سوڭعى ساتكە دەيىن قولىم جازىلىپ، 15- ماۋسىمدا بوكستاسامىن دەپ ويلادىم. سوندىقتان، بۇرىن بۇل تۋرالى حابارلاعان جوقپىن، ءبىراق دارىگەر ماعان تىيىم سالىپ، 2 اپتا بويى دەمالۋىمدى سۇرادى. سوندىقتان، مەنى رينگتە 7- شىلدەدە كورەتىن بولاسىزدار. حابارلاسىپ، ۋايىمداپ جاتقاندارىڭىزعا راحمەت. ءبارى جاقسى، جۋىق ارادا كەزدەسەمىز! العا، قازاقستان!»، - دەپ جازدى ساتىبالدينوۆا Instagram پاراقشاسىندا جاراقاتتانعان قولىنىڭ سۋرەتىن سالا وتىرىپ.

ەسكە سالايىق، بۇدان بۇرىن قازاقستاندىق بوكسشى قىز 7- شىلدەدە ەڭ ءىرى جانە ماڭىزدى جەكپە-جەگى وتەتىنىن ايتقان بولاتىن. وندا NABF تۇجىرىمى بويىنشا الەم چەمپيونى سەلينا بارريوسپەن ايقاسادى. جەكپە-جەك كەشتىڭ باستى ايقاسى بولماق. ول 8 راۋندتان تۇرادى جانە تەحاس شتاتى كورپۋس-كريستي قالاسىندا وتەدى.