قازاقستاندىق تەننيسشىلەر وليمپيادا ويىندارىنا قاتىسا المايدى

بۇل تۋرالى ق ر ۇ و ك- ءنىڭ باسپا ءسوز قىزمەتى رەسمي تۇردە ءمالىم ەتتى. اتالعان حابارلامادا «تىنىق مۇحيتىنداعى راروتونگا ارالىندا ۇستەل تەننيسىنەن جاس وسپىرىمدەر وليمپياداسىنا ەڭ سوڭعى ىرىكتەۋ تۋرنيرى اياقتالدى. وكىنىشكە قاراي، قازاقستاندىق جاس سپورتشىلار ءۇشىن وليمپيادانىڭ ەسىگى جابىق» دەلىنگەن.

ءبىرىنشى مۇحيتارالىق تۋرنير افريكاداعى تۋنيستە ءوتتى. ازياداعى ليتسەنزيالىق تۋرنير ءۇندىستاندا، كەيىن لاتىن امەريكاسىندا، ەۋروپادا، وكەانيا مەن سولتۇستىك امەريكادا ءوتتى. ناتيجەسىندە جەڭىمپازدار انىقتالدى.

32 بوزبالا مەن 32 بويجەتكەن وليمپيادا كەزىندەگى جەكەلەي سايىستار مەن ارالاس كوماندالىق تۋرنيرلەردە ونەر كورسەتەتىن بولادى. سوڭعىسى ءۇش نۇسقامەن بەرىلگەن. جىگىت پەن قىز ءبىر ۇ و ك- نەن بولادى، ەكىنشى نۇسقاسى - ءارتۇرلى ۇ و ك- نەن ىرىكتەلگەن بوزبالا مەن بويجەتكەن بولادى، الايدا ولار ءبىر مۇحيتتان جانە مۇحيتتىق كوماندا بولىپ ەسەپتەلەدى. ءۇشىنشى نۇسقاسى - ەكسترەمالدى - ءار ءتۇرلى ۇ و ك- تەن ىرىكتەلگەن جىگىت پەن قىز. ولار سان ءتۇرلى مۇحيتتاردان كەلگەن جانە كوماندالارىنىڭ اتاۋلارى دا مۇحيتارالىق بولماق.

وكىنىشكە قاراي، قازاقستاندىق ايدوس كەنجەعۇلوۆ (ورال) پەن زاۋرەش اقاشەۆا (قاراعاندى) بۋەنوس- ايرەس جولداماسىنان ءۇمىت ءۇزدى. ولار راروتونگا ارالىندا ەكى كۇن ىشىندە ەكى جەڭىلىس تاۋىپ، ليتسەنزياعا تالاسۋ قۇقىعىنان ايىرىلدى.

ەسكە سالايىق، ءتورت جىل بۇرىن نانكيندەگى (قىتاي)  Ⅱ جازعى جاس وسپىرىمدەر وليمپياداسىندا ۇستەل تەننيسىنەن قازاقستان نامىسىن كيريلل گەراسيمەنكو (استانا) مەن يۋليا ريابوۆا (قاراعاندى) قورعادى.

اۆتور: كۇنسۇلتان وتارباي