اينۇر تۇرسىنبايەۆا: ءبىر ساتتىك ءلاززات بۇكىل ءومىرىڭنىڭ تىنىشتىعىن بۇزادى
اقىن كوپتەگەن ادامداردىڭ ءبىر ساتتىك راحات ءۇشىن ومىرلەرىن قۇردىمعا كەتىرەتىنىن مىسال ەتىپ كەلتىرىپ، ورازا ايىندا ويلانۋعا شاقىردى.
«ءبىزدىڭ ەڭ ۇلكەن قاتەلىگىمىز دەر كەزىندە توقتاي الماۋىمىز. ارتىنىڭ جاقسى بولمايتىنىن بىلە تۇرا سانالى تۇردە قاتەلىك جاسايمىز. مىسالى بالاعا زيان ەكەنىن بىلە تۇرا قولىنا سوتكا ۇستاتىپ قويامىز، سەبەبى قۇلاعىمىز تىنىش بولۋ كەرەك. ەرتەڭ بالا اشۋلانشاق، مازاسىز، كوزى ناشار كورە باستاعاندا بۇكىل جۇيكەمىز جۇقاراتىنىن بىلسەك تە ءبىر ساتتىك تىنىشتىق ءۇشىن قاتەلىك جاسايمىز! ەرتەڭ جوعارى وقۋ ورنىنا تۇسە الماي ساۋاتسىز بولىپ سورلايتىنىن بىلە تۇرا ساباعىن قاداعالامايمىز، مەكتەبىنە بارمايمىز! ءبىر ساتتىك تىنىشتىق!
سەمىرىپ، ەنتىگىپ، ۇسقىنسىز بوپ كەتەتىنىمىزدى بىلە تۇرا تاماق جەۋدى توقتاتپايمىز. ارتىنان كيىم سىيماي جىن ۇرىپ، سۋرەتكە تۇسسەك قورلانىپ، ارىقتاي الماي قينالاتىنىمىزدى بىلە تۇرا تاماقتى وپىرامىز كەلىپ! ءبىر ساتتىك راحات!
ەرتەڭ ايەلى ءبىلىپ قوياتىنىن بىلە تۇرا جىگىتتەر باسقا جاقتان بىرەۋدى تاۋىپ الىپ بايلانىسىپ جۇرەدى. ءبىر ساتتىك ءلاززات! قاراپ وتىرسام وسى ءبىر ساتتىك قانا ءلاززاتتار بۇكىل ءومىرىڭنىڭ تىنىشتىعىن جوق قىلىپ جىبەرۋى مۇمكىن ەكەن. ورازا ويلاناتىن اي! ادام بالاسى ءوزى توقتاي المايتىنىن ءبىلىپ اللانىڭ توقتاتىپ قويعان ايى! لايىم، ورازادان كەيىن دە ءناپسىمىز تىيىلىپ، ءومىرىمىز وڭ وزگەرىستەرگە تولسىن. ورازالارىڭىز قابىل بولسىن جاماعات! ءبىلىپ- بىلمەي جاساعان كۇنالارىمىز كەشىرىلسىن»، - دەيدى تۇرسىنبايەۆا.
