استانادا «تۇنگى سوت» جۇمىسىن باستادى
قالالىق سوتتىڭ باسپا ءسوز قىزمەتىندە «تۇنگى سوتتا» كەشكى 18 ساعات 30 مينۋتتان باستاپ تۇنگى 22.00 گە دەيىن جول- كولىك ەرەجەسىن بۇزۋعا قاتىستى اكىمشىلىك ىستەر قاراستىرىلاتىنىن حابارلادى.
«العاشقى كۇنى قر ا ق ك 601-بابىنىڭ 1 - بولىگىنە سايكەس (جول بەلگىلەرىندە كورسەتىلگەن تالاپتاردى نەمەسە جولدىڭ ءجۇرۋ بولىگىندەگى بەلگىنى ساقتاماۋ سالدارىنان كولىكتەردىڭ بۇزىلۋى» ) 13 ماتەريال قاراستىرىلدى. كەشە 16 ءىس تالقىعا سالىندى. ەكى كۇن ىشىندە جالپى 26 اكىمشىلىك ءىس قارالىپ ۇلگەردى» ، - دەدى باسپا ءسوز قىزمەتىنىڭ وكىلدەرى.
«تۇنگى سوت» جوباسىنىڭ ەرەجەلەرىنە سايكەس، جول- كولىك وقيعاسى قاتىسۋشىلارى كەلىسىمىمەن جوعارىدا كورسەتىلگەن ۋاقىت ىشىندە قۇزىرلى ورگان قىزمەتكەرى اكىمشىلىك قۇقىقبۇزۋشىلىق تۋرالى حاتتاماعا سوتقا مەرزىمى كورسەتىلگەن (جول- كولىك وقيعاسى ورىن العان ۋاقىتتان 3 تاۋلىكتەن اسپاۋى ءتيىس) شاقىرتۋ الۋ تۋرالى تالون تولتىرادى.
ەگەر جول اپاتىنىڭ قاتىسۋشىسى كىناسىن مويىنداماي، پروكۋروردىڭ، قورعاۋشىنىڭ، اۋدارماشىنىڭ، ساراپشىنىڭ، ماماننىڭ نەمەسە باسقا دا مۇددەلى تۇلعالاردىڭ ارالاسۋى كەرەك بولسا جانە قوسىمشا دالەلدەردى ۇسىنۋ مەن زەرتتەۋدى قاجەت ەتكەن جاعدايدا سۋديا سوت وتىرىسىنىڭ قاراۋىن كەيىنگە قالدىرادى.
«تۇنگى سوت» پيلوتتىق جوباسىنىڭ اياسىندا استانا قالالىق سوتى مەن ىشكى ىستەر دەپارتامەنتى ىنتىماقتاستىق تۋرالى مەموراندۋمعا قول قويدى.
مەموراندۋم ازاماتتاردى ىڭعايلى ۋاقىتتا قۇقىقتارىمەن جانە ءتيىمدى اكىمشىلىك سوت ءىسىن جۇرگىزۋمەن قامتاماسىز ەتۋ تۋرالى تاراپتاردىڭ ىنتىماقتاستىق اياسىن بەلگىلەيدى.
