اتادان مۇرا رەتىندە قالعان قۇران كىتاپ - قىلمىستىق كودەكس بولىپ شىققان

ونىڭ قاسيەتتى كىتاپ ەمەستىگى، ياعني قىلمىستىق كودەكس ەكەنى كەزدەيسوق انىقتالعان، - دەپ حابارلايدى "ۋفا1.رۋ".

رافيا زيناتۋللينانىڭ ايتۋىنشا، اناسى كىتاپتى ماتاعا وراپ ساقتاۋدى تاپسىرعان. «انامىز بىزگە بىلاي دەيتىن - بۇل قاسيەتتى كىتاپ، ول - قۇران، سەندەر وقي المايسىڭدار، لاس قولدارىڭمەن ۇستاۋشى بولماڭدار»، - دەيدى زەينەتكەر.

ولار كىتاپتى نارەستەنىڭ جاستىعىنىڭ استىنا سالاتىن بولعان. ولار كوپ جىلامايتىن جانە تىنىش بالا بولىپ وسەتىنىنە سەنگەن. كىتاپ شىنىمەن دە بالالارعا اسەرىن بەرگەن- مىس: ولار ەسەيگەندە پوليتسياعا جۇمىسقا تۇرعان. رافيانىڭ تۋعان اعاسىمەن ۇلى ىشكى ىستەر ورگانىندا ۇزاق جىلدار بويى قىزمەت اتقارعان. ءبىر كۇنى ايەل ادام كىتاپتى اشىپ، قاراپ وتىرعان. سوڭعى بەتىن اشقان كەزدە رافيا ءوز كوزىنە سەنە الماعان، وندا بۇل كىتاپتىڭ قۇران ەمەس، اراب تىلىندە جازىلعان قىلمىستىق كودەكس ەكەنى جانە ونىڭ 1926 -جىلى شىعارىلعانى جازىلعان. پوليتسيانىڭ 300 جىلدىعىنا وراي وتباسى وسى كىتاپتى ءى ءى م مۋزەيىنە تاپسىرعان.