لۋكاشەنكو: رەسەي شەكاراشىلار ماسەلەسىن ايقىنداۋى كەرەك

«ءبىز رەسەيلىكتەر سياقتى بولماۋىمىز كەرەك. ولار نە كەرەك ەكەنىن جانە رەسەي- بەلارۋس شەكاراسىندا نە ىستەپ جۇرگەندەرىن وزدەرى تۇسىنبەيدى»، - دەگەن لۋكاشەنكو.

ونىڭ سوزىنشە، ەگەر ماسكەۋ شەكارانى جابۋ تۋرالى شەشىم قابىلدايتىن بولسا، وعان جاۋاپ رەتىندە مينسك تە شەكارالىق باقىلاۋ ەنگىزەتىن بولادى. لۋكاشەنكو بۇل ماسەلەنى ماۋسىمدا وداقتاس [رەسەي مەن بەلارۋس] مەملەكەتتەر جوعارعى كەڭەسى وتىرىسىندا قارالاتىنىن ايتتى. سونىمەن بىرگە ول ەكى مەملەكەت اراسىنداعى شەكارانى ەسكى زاماننىڭ قالدىعى دەپ اتاعان.

بەلارۋستىڭ رەسەيمەن شەكاراسىندا تۇراقتى شەكارا بولىمشەلەرى جوق. ال رەسەي بولسا ءوز جاعىندا رەسەي فەدەرالدىق قاۋىپسىزدىك قىزمەتى قۇرامىنا كىرەتىن شەكاراشىلاردى ۇستاپ وتىر، ولار ءىس جۇزىندە مەملەكەتتىك شەكارانى كۇزەتەدى، دەپ حابارلاعان بەلارۋس مەملەكەتتىك شەكارا كوميتەتىنىڭ وكىلدەرى بەلتا اگەنتتىگىنە.

www.azattyq.org