اق ءۇي ترامپ پەن پۋتيننىڭ كەزدەسۋىنە قامدانىپ جاتىر

باسىلىم دەرەككوزدەرىنىڭ حابارلاۋىنشا، ماسكەۋدەگى ا ق ش ەلشىسى دجون حانتسمان وسى اپتادا ۆاشينگتوندا بولعاندا ەكى ەل باسشىلارىنىڭ كەزدەسۋىنە دايىندىق جايى تالقىلانعان.

تاراپتار ازىرگە كەزدەسۋدىڭ وتەتىن ۋاقىتى مەن ورنى تۋرالى كەلىسپەگەن دەپ جازادى باسىلىم.

بۇل كەزدەسۋدىڭ ماقساتى - ا ق ش پەن رەسەي اراسىنداعى «ۇزاققا سوزىلعان كەلىسپەۋشىلىكتى» ەڭسەرۋ دەيدى دەرەككوزدەر. الايدا، ولاردىڭ ايتۋىنشا، اڭگىمە «ۇلكەن كەلىسىمگە كەلۋ» جايلى ەمەس، بىرنەشە ناقتى پروبلەمانى شەشۋ جولدارىن تابۋ تۋرالى بولىپ وتىر. ولاردىڭ اراسىندا - سيريا، ۋكراينا جانە يادرولىق قارۋعا باقىلاۋ ماسەلەلەرى بار.

وسىنىڭ الدىندا اق ءۇي بۇعان ناۋرىز ايىندا ترامپ پەن پۋتين تەلەفونمەن سويلەسكەن كەزدە ىقتيمال كەزدەسۋ جايىن تالقىلاعانى تۋرالى حابارلاعان.

ترامپ رەسەيمەن جاقسى قارىم- قاتىناس ورناتقىسى كەلەتىنى تۋرالى بۇعان دەيىن بىرنەشە رەت مالىمدەگەن. سونىمەن بىرگە ول رەسەيدى سيرياعا قاتىستى ساياساتى ءۇشىن سىناعان، ال اق ءۇي كرەملگە قارسى قوسىمشا سانكسيالار ەنگىزگەن.

www.azattyq.org