سەگىز جاسار بالا بەيتانىس اجەيدى قۇتقارىپ، تانىمال بولىپ كەتتى - كەسكىن

بۇل تۋرالى The Mirror باسىلىمىنا سىلتەمە جاساپ Stan.kz اقپاراتتىق اگەنتتىگى حابارلايدى.

باسپالداقپەن كوتەرىلە الماي، قۇلاپ قالۋدىڭ الدىندا تۇرعان اجەيدى كورگەن ساتتە بالا اناسىمەن بىرگە كولىكتە كەتىپ بارا جاتقان. ايەل بىردەن كولىكتى توقتاتىپ، ال ونىڭ ۇلى ادامس كوشەگە جۇگىرىپ شىعىپ، قوزعالىستى توقتاتتى. سول ساتتە اينالاداعىلار ونى كامەراعا تۇسىرە جونەلدى.

جەتكىنشەك قارت اجەيدىڭ قاسىنا جۇگىرىپ كەلىپ، ارقاسىنا قولىن قويىپ، ونىڭ باسپالداقپەن كوتەرىلۋىنە كومەكتەسكەن. ول اجەيدىڭ ءجۇرىس ارباسىن باسپالداقتان باسپالداققا وتكىزىپ وتىرعان. اجەي مەن بالا بيىككە كوتەرىلگەن كەزدە قاريا بالانى قۇشاقتاپ الىپ، ونى ەرەكشە دەپ اتادى.

كوپ ۇزاماي جانتەبىرەنتەرلىك ۆيدەو Facebook-تە جاريالاندى. نەبارى بىرنەشە كۇن ىشىندە ۆيدەونى 15 مىڭنان اسا ادام ءبولىسىپ، 3 مىڭنان اسا «ءلۇپىل» جيناعان. ال وقيعا كەيىپكەرى ءوزىن كامەراعا ءتۇسىرىپ تۇرعانىن ءتىپتى، بىلمەپتى.

WSB- TV Atlanta ارناسىنا بەرگەن سۇحباتىندا ادامستىڭ اناسى ۇلىن ماقتان تۇتاتىنىن مالىمدەدى.

«جۇرەككە ءتيدى. دۇرىس تاربيە بەرىپ جاتقانىمنىڭ ايعاعى وسى بولدى»، - دەپ ءتۇسىندىردى ايەل.

وقيعا كۋاگەرلەرىنىڭ ءبىرى بالانى قۋىپ جەتىپ، وعان 100 دوللار ۇستاتقانىن ايتىپ بەردى.