ەكسپو تۇرعىن ءۇي ورامىنداعى پاتەر قۇنى انىقتالدى
«ەكسپو-2017» اۋماعىنداعى تۇرعىن ءۇي كەشەندەرىندەگى شارشى مەتردى وتكىزۋ قۇنى 399900 تەڭگەنى، ءبىر كولىك تۇراعى ورنىنىڭ قۇنى 699000 تەڭگەنى قۇرايدى. بۇل وبەكتىلەر ورنالاسقان جەرىنىڭ تيىمدىلىگىمەن، قاباتتارىنىڭ ازدىعىمەن، پاتەرلەرىنىڭ ەروگونوميالىق جوسپارلانۋىمەن ەرەكشەلەنەدى. تۇرعىن ءۇي ورامىنىڭ ىشكى اۋماعى وقشاۋلانعان جانە قالا تۇرعىنى ءۇشىن جايلى بولادى»، - دەپ حابارلادى «بايتەرەك دەۆەلوپمەنت» ا ق باسقارما ءتوراعاسىنىڭ ورىنباسارى اسقاربەك وسەربايەۆ.
كومپانيا 2018 -جىلعى 1 -ماۋسىمنان باستاپ بۇرىن «ەكسپو-2017» كورمەسىنىڭ قاتىسۋشىلارى مەن قوناقتارىنىڭ تۇرۋىنا ارنالعان ءبىر، ەكى، ءۇش جانە ءتورت بولمەلى پاتەرلەردى ساتۋعا شىعارادى.
«ساتىپ الۋ شارتتارىنا كەلەتىن بولساق، الەۋەتتى ساتىپ الۋشىلارعا قويىلاتىن جالعىز تالاپ: جەكە تۇلعالار ءۇشىن - تولەم قابىلەتتىلىگى جانە قازاقستان رەسپۋبليكاسىنىڭ ازاماتى بولۋى قاجەت، ال زاڭدى تۇلعالار ءۇشىن - قازاقستان اۋماعىندا تىركەلۋى جانە قىزمەتىن جۇزەگە اسىرۋى شارت»، - دەپ قوستى كومپانيا وكىلى.
«ەكسپو-2017» حالىقارالىق كورمەسى اۋماعىندا تازا ارلەنگەن پاتەردى بىرنەشە تاسىلدەرمەن: قولما-قول اقشاسىز تولەۋ ارقىلى ءوز قاراجاتتارى ەسەبىنەن نەمەسە ەكىنشى دەڭگەيدەگى بانكتەر ارقىلى يپوتەكاعا، سونداي-اق «قازاقستاننىڭ تۇرعىن ءۇي قۇرىلىس جيناق بانكى» ا ق قارىزى ەسەبىنەن ساتىپ الۋعا بولادى.
«تۇرعىن ءۇيدى جانە ماشينا ورىندارىن ساتىپ الۋعا وتىنىمدەر قابىلداۋ پروتسەسى ونىڭ ايقىندىلىعىن قامتاماسىز ەتۋ ماقساتىندا «Digital Baiterek» پلاتفورماسى ارقىلى ونلاين رەجىمدە جۇزەگە اسىرىلاتىن بولادى. «بايتەرەك دەۆەلوپمەنت» ا ق ريەلتورلىق كومپانيالارمەن ىنتىماقتاستىق جاسامايتىنىنا جانە پورتال ارقىلى وتىنىمدەردى تىركەۋ جانە رەسىمدەۋ ءۇشىن تولەماقى المايتىنىنا الەۋەتتى ساتىپ الۋشىلاردىڭ نازارىن ايرىقشا اۋدارعىمىز كەلەدى»، - دەدى ا. وسەربايەۆ.
سونىمەن قاتار تۇرعىن ءۇي كەشەنىندە «شوۋ-رۋم» جۇمىس ىستەيدى، مۇندا الەۋەتتى ساتىپ الۋشىلار پاتەرلەردىڭ جوسپارلانۋىمەن تانىسادى، قاجەتتى كەڭەس الادى جانە جىلجىمايتىن مۇلىكتى ساتىپ الۋعا ءوتىنىم رەسىمدەيدى.
انىقتاما: 2014 -جىلدان 2016 -جىلعا دەيىن «بايتەرەك دەۆەلوپمەنت» ا ق ەكسپو-2017 حالىقارالىق كورمەسى اۋماعىندا تۇرعىن ۇيلەردىڭ جانە ساۋدا ويىن- ساۋىق ورتالىعىنىڭ قۇرىلىسىن قارجىلاندىردى. 42 ۇيدەن تۇراتىن، الاڭى 110,7 مىڭ شارشى مەتر بولاتىن تۇرعىن ءۇي ورامى «ليۋكس نەدۆيجيموست Group» جانە «BI Group» كومپانيالارىمەن ارىپتەستىك نەگىزدە سالىندى.
«بايتەرەك دەۆەلوپمەنت» ا ق - «بايتەرەك» حولدينگىنىڭ ەنشىلەس ۇيىمى - «نۇرلى جەر» تۇرعىن ءۇي قۇرىلىسى باعدارلاماسى شەڭبەرىندە جەرگىلىكتى اتقارۋشى ورگانداردىڭ وبليگاتسيالارىن ساتىپ الۋ بويىنشا جالعىز قارجى وپەراتورى. كومپانيا قازاقستان بويىنشا كرەديتتىك جانە جالعا بەرىلەتىن تۇرعىن ۇيلەردىڭ قۇرىلىسىن قارجىلاندىرادى.
