شارۋالارعا نەسيە بەرۋ: «سىباعا» جانە «التىن اسىق» باعدارلامالارى باستالدى
31 -مامىر كۇنى اقمولا وبلىسى ەرەيمەنتاۋ اۋدانىنىڭ نوۆوماركوۆكا اۋىلىندا 2018-2027 -جىلدارعا ارنالعان ەتتى مال شارۋاشىلىعىن دامىتۋدىڭ جاڭا سالالىق باعدارلاماسىن ءتۇسىندىرۋ اياسىندا ق ر اۋىل شارۋاشىلىعى مينيسترلىگىنىڭ كوشپەلى جيىنى ءوتتى.
ا ش م مالىمەتىنشە، «مانات» شارۋا قوجالىعىنىڭ باسشىسىنا تولدەيتىن ءىرى قارا مال ساتىپ الۋ ءۇشىن العاشقى نەسيەلىك چەك تاپسىرىلدى. فەرمەر 23390000 تەڭگە كولەمىندە العان نەسيەگە وتارلى جايىلىمعا مال جانە جەم دايىندايتىن تەحنيكا ساتىپ الۋدى جوسپارلاۋدا.
ايتا كەتەيىك، ق ر اۋىل شارۋاشىلىعى مينيسترلىگى 2018-2027 -جىلدارعا ارنالعان ەتتى مال شارۋاشىلىعىن دامىتۋدىڭ جاڭا سالالىق باعدارلاماسىنا سايكەس «سىباعا» جانە «التىن اسىق» نەسيە بەرۋ باعدارلامالارى اياسىندا اۋىل شارۋاشىلىعى تاۋارلارىن وندىرۋشىلەردى قولجەتىمدى نەسيەمەن قامتاماسىز ەتۋدە.
سوڭعى قارىز الۋشى ءۇشىن سۋبسيديانى ەسكەرە وتىرىپ قارىز بويىنشا نەسيەلەۋ مولشەرلەمەسى %4 قۇرايدى، قارجىلاندىرۋ مەرزىمى - 15 جىل. وسىلايشا، فەرمەر نەسيە سەرىكتەستىگى (ن س)، شاعىن قارجى ۇيىمدارى (ش ق ۇ) جانە وڭىرلىك ينۆەستيتسيالىق ورتالىقتار (ءو ي و) ارقىلى نەمەسە تىكەلەي «اۋىل شارۋاشىلىعىن قارجىلاي قولداۋ قورى» ا ق بولىمشەلەرى ارقىلى تولدەيتىن ءى ق م مەن قوي ساتىپ الۋعا جەڭىلدەتىلگەن نەسيە الادى.
ەتتى مال شارۋاشىلىعىن دامىتۋدىڭ جاڭا باعدارلاماسىنا سايكەس فەرمەرلىك شارۋاشىلىقتار ءوندىرىس ۇلگىسىنىڭ نەگىزى بولادى. ولار وتكىزۋ، وقىتۋ جانە ۆەتەرينارلىق قىزمەت كورسەتۋ ماسەلەلەرىندە بىرىگەدى. جەر جانە نەسيە بەرۋ ەڭ ۇزدىك فەرمەرلەر نەگىزىندە تاڭدالىپ الىنادى.
اسىل تۇقىمدى مالداردىڭ گەنەتيكاسىن پايدالانۋ جانە مال شارۋاشىلىعىنداعى تۇقىمداردى جاقسارتۋ نەگىزگى شارت بولىپ تابىلادى. سۋارمالى جەرلەردەگى جەمشوپ ءوندىرىسى بورداقىلاۋ الاڭدارىنا شوعىرلاناتىن بولادى. بۇدان وزگە، ءونىمدى تىكەلەي بورداقىلاۋ الاڭدارىنا تاپسىرعان جاعدايدا فەرمەرگە 1 ك گ ءتىرى سالماعىنا 200 تەڭگە مولشەرىندە مەملەكەتتەن قوسىمشا اقى تولەنەدى.
قارىزعا بەرىلگەن قاراجاتتار فەرمەرلەرگە تەك ءىرى قارا مال مەن قويدىڭ اسىل تۇقىمىن ساتىپ الۋعا عانا ەمەس، سونداي-اق قاجەتتى اۋىل شارۋاشىلىعى تەحنيكاسى مەن قۇرال-جابدىقتارىن ساتىپ الۋعا جانە اينالىم كاپيتالىن تولىقتىرۋعا مۇمكىندىك بەرەدى.
جاڭا باعدارلامادا قارىز الۋشىعا كەپىلدىكتى قامتاماسىز ەتۋ ءۇشىن بەيىلدى رەجيمدە جۇمىس جاسايدى، كەپىلدى قامتاماسىز ەتۋدىڭ قۇنى تومەن بولعان جاعدايدا، قارىز الۋشى «قازاگروكەپىل» ا ق كەپىلدىگىن قارىز سوماسىنان %85 مولشەرىندە پايدالانا الادى.
بۇگىندە قازاقستان جايىلىم اۋماعى بويىنشا الەمدە بەسىنشى ورىندا، ونىڭ اۋماعىنىڭ 30 پروتسەنتى عانا قولدانىلادى. 2007 -جىلمەن سالىستىرعاندا، 2017 -جىلى ەلىمىزدە سيىر ەتىن تۇتىنۋ %7 ارتتى، ءوندىرىس %17 دەيىن ءوستى. سونىمەن بىرگە قوزى ەتىنە دا وسىنداي
جاعداي: قوزى ەتىنە سۇرانىس %22 ارتىپ، ءوندىرىس %24 دەيىن ءوستى. قازاقستان سيىر ەتى مەن قوزى ەتى بويىنشا ءوزىن-ءوزى قامتاماسىز ەتە باستادى، مالدىڭ سانىن كوبەيتۋ ارقىلى ەت تۇرلەرىنىڭ ەكسپورتتىق الەۋەتىن ارتتىرۋعا ۇمتىلۋدا.
