ديماش قۇدايبەرگەننىڭ اتاسى ديماشتىڭ جانكۇيەرلەرىنە ريزاشىلىعىن ءبىلدىردى
فانتوپ جەتەكشىلەرىمەن كەزدەسۋگە ديماش قۇدايبەرگەن مەن ونىڭ وتباسى تۇگەل جينالدى. كەزدەسۋ كەزىندە جانكۇيەرلەر مەن جاناشىرلارعا اشىق سۇراق قويىپ، وتباسىمەن اڭگىمەلەسۋگە مۇمكىندىك جاسالدى. جانكۇيەرلەردىڭ ءبىرى باۋىرىنا باسىپ، باعىپ-قاققان بالانى الىسقا جىبەرۋدىڭ سىرى نەدە ەكەنىن سۇرادى.
«ديماشتىڭ جانكۇيەرلەرى، فانتوپ جەتەكشىلەرىنە ريزاشىلىعىمدى بىلدىرەمىن. ءبىز تەلەديداردان بالامىزعا ىقىلاس ءبىلدىرىپ جاتقانداردى كورەمىز. بۇگىن سولارمەن كەزدەسۋدىڭ ءساتى ءتۇسىپ وتىر»، - قۇدايبەرگەن ايتبايەۆ.
ديماش قۇدايبەرگەن الداعى ۋاقىتتا وڭتۇستىك-شىعىس ازيا مەن ەۋروپا ەلدەرىنە كونسەرت بەرۋدى جوسپارلاپ وتىر.
«تاياۋدا جاڭا بەينەبايانى شىقتى. وزگە دە ءان جازدىرۋ جۇمىسى ءجۇرىپ جاتىر. جار سالىپ ايتۋدى ءجون كورمەيمىز. ءبىراق كوپ مەملەكەتتەن ۇسىنىس تۇسۋدە. ديماشتىڭ وزىنە ۇناعان شارالار بولسا، ۇسىنىستى قاراپ كورەمىز. ەۋروپا مەملەكەتتەرىنەن دە سەرىكتەس بولۋعا، كونسەرتتىك شارالارعا ۇسىنىستار ءتۇسىپ جاتىر. نەگىزى، ءار مەملەكەتكە بارعاندا ۇلكەن دايىندىق كەرەك. ءار ەلدىڭ مەنتاليتەتىنە، سۇرانىسىنا ساي باعدارلاما جاساۋ قاجەت بولادى. ديماشتى تىڭدايتىن ەلدەرگە بارۋعا كۇش سالامىز»، - دەدى قانات ايتبايەۆ.
ديماش قۇدايبەرگەننىڭ وتباسى فاناتتارىمەن كەزدەسۋ كەزىندە جەرلەستەرىنە قاشان كونسەرت قوياتىنى دا سۇرالدى.
«بىزدە جوسپار بار. ۇلكەن تەحنيكالىق دايىندىق كەرەك. وزگە ەلدەردەگى كونسەرتتەردەن سوڭ اقتوبەدە كونسەرت وتكىزۋدى جوسپارعا ەنگىزەمىز. ءبارىن الدىن الا حابارلاپ وتىرامىز»، - دەدى اكەسى قانات ايتبايەۆ.
