وليمپيادا چەمپيونى دانيار ەلەۋسىنوۆتىڭ كاسىبي رينگتەگى كەزەكتى قارسىلاسى انىقتالدى

استانا. قازاقپارات - قازاقستاندىق بوكسشى دانيار ەلەۋسىنوۆ (1-0، 1 ك و) ۇلى بريتانيادا وتەتىن جەكپە-جەكتە وزىنە كىمنىڭ قارسىلاس بولاتىنىن انىقتادى، دەپ جازادى Sports.kz.

BoxRec.com پورتالىنىڭ حابارلاۋىنشا، ونىڭ قارسىلاسى 30 جاستاعى گابور گوربيچ (24-11، 14 ك و) بولادى. جارتىلاي ورتا سالماقتا وتەتىن كەزدەسۋ 6 راۋندقا سوزىلماق. بوكسشىلار 6 -ماۋسىم كۇنى لوندونداعى ( ۇلى بريتانيا) York Hall كەشەنىندە لوۋرەنس وكولي (8-0، 6 ك و) - ليۋك ۋوتكينس (13-0, 9 ك و) كەزدەسۋىنىڭ اندەركارتىندا وتەدى.

ايتا كەتەيىك، دانيار ەلەۋسىنوۆ كاسىبي رينگتەگى العاشقى كەزدەسۋىن 28 -ءساۋىر كۇنى نيۋ-يوركتە (ا ق ش) دەنيەل دجەيكوبس - ماتسەي سۋلەتسكيدىڭ كەزدەسۋىنىڭ اندەركارتىندا وتكىزگەن بولاتىن. ول 6 راۋندتىق جەكپە-جەكتىڭ 3-راۋندىندا امەريكالىق بوكسشى نوا كيدتى (3-1-1، 2 ك و) تەحنيكالىق نوكاۋتپەن جەڭدى.