وتاندىق زاۋىت اۆتوموبيل تىركەمەلەرىن شىعارا باستادى

وسكەمەن. قازاقپارات - وسكەمەندەگى «ازيا اۆتو» زاۋىتى جەڭىل كولىكتەرگە ارنالعان تىركەمەلەردىڭ العاشقى توپتاماسىن شىعاردى، دەپ حابارلايدى قازاقپارات ءتىلشىسى.

 تىركەمەنىڭ سىزباسىن زاۋىتتىڭ ءوز ينجەنەرلەرى دايىنداعان. بولشەكتەردىڭ 55 پايىزى وسىندا جاسالعان. ياعني، شاناعى مەن دوڭگەلەك بىلىكتەرى، بورت توپسالارى مەن ەلەكتر سىمىنىڭ بۋمالارى سىرتتان اكەلىنبەيدى. بيىل 450 دانا شىعارۋ جوسپارلانۋدا. تىركەمە ەۋرازيا ەكونوميكالىق وداعىنىڭ «دوڭگەلەكتى كولىك قۇرالدارىنىڭ قاۋىپسىزدىگى تۋرالى» تەحنيكالىق رەگلامەنتتىنە ساي جاسالعان.

 «جەرگىلىكتى كونسترۋكتورلار جاڭا مودەلدەردى جوبالايتىنداي دەڭگەيگە جەتىپ وتىر. كەلەشەكتە اۋىر جانە ورتا سالماققا ارنالعان تىركەمەلەر ءوندىرىسىن قولعا الماقپىز. موتورلى شاڭعى مەن اۋىل شارۋاشىلىعىنا ارنالعان موتورلى شاعىن تەحنيكالار قۇراستىرۋ دا ويدا بار. العاشقى توپتاما 19 وڭىردەگى بولىمشەلەرگە جىبەرىلدى. باعاسىن 260 مىڭ تەڭگە دەپ وتىرمىز» - دەيدى «ازيا اۆتو» اق پرەزيدەنتى ەرىك ساعىمبايەۆ.

 ۇزىندىعى 3 مەتر، ەنى 1,7 مەتر بولاتىن بۇل تىركەمەلەر 570 كەلىگە دەيىن جۇك كوتەرەدى.

اۆتور: ەسىمجان ناقتىباي