الماتىدان الاكولگە ۇشاق قاتىناي باستايدى

 تالدىقورعان. قازاقپارات - ەندى الماتىلىقتار دا ەلىمىزدەگى ەڭ تانىمال تۋريستىك ورىنداردىڭ ءبىرى الاكولگە ۇشاقپەن جەتە الادى.

 ەرتەڭ الماتى اۋەجايىنان ءۇشارالعا العاشقى رەيس كوككە كوتەرىلەدى. ۇشاقتار اپتاسىنا بەس رەت قاتىنايتىن بولادى، دەپ حابارلايدى قازاقپارات ءتىلشىسى.

 «الماتى- ءۇشارال- الماتى باعىتىندا ۇشاقتار دۇيسەنبى مەن سەنبى كۇندەرى عانا قاتىنامايدى. بيلەتتىڭ ءبىر باعىتقا قۇنى 10 مىڭ تەڭگە. سونىمەن قاتار، «جەتىسۋ» اۋەكومپانياسى تالدىقورعان- ءۇشارال باعىتىنداعى ۇشاقتاردى ىسكە قوسادى. ونىڭ ۋاقىتىن قوسىمشا حابارلايتىن بولامىز. جالپى كولدەگى تۋريستىك ماۋسىم جاز ايىنىڭ العاشقى كۇنىنەن باستالادى. قازىر دەمالىس ورىندارى تۋريستەردى قابىلداۋعا تولىقتاي دايىن» ، - دەدى الماتى وبلىسى اكىمىنىڭ باسپا ءسوز حاتشىسى عالىمۇرات جۇكەل.

 ايتا كەتۋ كەرەك، بىلتىر 21 - شىلدە كۇنى ءۇشارالداعى اۋەجاي ىسكە قوسىلعان بولاتىن. بۇعان دەيىن اۋە رەيسى استانا- ءۇشارال، تالدىقورعان- ءۇشارال باعىتتارى بويىنشا قاتىنادى. جالپى اۋەجاي الاكول جاعالاۋىنان 86 شاقىرىم جەردە ورنالاسقان.

 بيىل الماتى وبلىسىنداعى ايدىندى الاكولگە 1 ميلليوننان اسا تۋريست كەلەتىنى كۇتىلۋدە. ءتۋريزمدى دامىتۋ جاعدايىمەن تانىسۋ ءۇشىن الاكولدە جۇمىس ساپارىمەن ەلباسى نۇرسۇلتان نازاربايەۆ بولعان ەدى.