تارازدا سوت جاسوسپىرىمدەر ءۇشىن تەرگەۋ يزولياتورىنا ەكسكۋرسيا ۇيىمداستىردى
«يۋۆەنالدى سوت ۇجىمى بۇرىن قىلمىستىق جاۋاپكەرشىلىككە تارتىلعان كامەلەتكە تولماعاندار ءۇشىن تەرگەۋ يزولياتورىنا ەكسكۋرسيا ۇيىمداستىردى. بالالاردى زاڭدى وكىلدەر الىپ باردى. ولار سوتتالۋشىلار جازالارىن وتەيتىن جەردى كورە الدى»، - دەدى جامبىل وبلىسى بويىنشا كامەلەتكە تولماعانداردىڭ ىستەرى جونىندەگى مامانداندىرىلعان اۋدانارالىق سوتتىڭ باسپا ءسوز قىزمەتىندەگىلەر.
ۇيىمداستىرۋشىلاردىڭ ايتۋىنشا، اتالمىش ەكسكۋرسيانى وتكىزۋدەگى ماقسات - كامەلەتكە تولماعانداردىڭ اراسىندا قۇقىق بۇزۋشىلىقتىڭ الدىن الۋ، جاسوسپىرىمدەردىڭ قۇقىقتىق ساناسىن قالىپتاستىرۋ جانە ولارعا قوعامدا دۇرىس ءتارتىپ ساقتاماۋ سالدارىنىڭ قانداي بولاتىنىن كورسەتۋ.
«شارا سوڭىندا جاسوسپىرىمدەر مەن ولاردىڭ وكىلدەرى سوت جانە تەرگەۋ يزولياتورىنىڭ قىزمەتكەرلەرىنە العىستارىن ءبىلدىردى»، - دەپ اتاپ ءوتتى جامبىل وبلىسى بويىنشا كامەلەتكە تولماعانداردىڭ ىستەرى جونىندەگى مامانداندىرىلعان اۋدانارالىق سوتتىڭ باسپا ءسوز قىزمەتىندە.
