09:10, 31 - مامىر 2018 | GMT +5
ۆەزۋۆي جانارتاۋى اتقىلاعان كەزدە قازا تاپقان ەجەلگى ادامنىڭ سۇيەگى تابىلدى
استانا. قازاقپارات - ارحەولوگيالىق قازبا جۇمىستارى كەزىندە ەكى مىڭ جىل بۇرىن، ياعني ب. ە. دەيىنگى 79 -جىلى اتقىلاعان ۆەزۋۆي جانارتاۋى لاۆاسىنىڭ استىندا قالعان ەجەلگى ريمدىك ءولى قالا - پومپەي تۇرعىنىنىڭ سۇيەگى تابىلدى.
بۇل تۋرالى belta.by ANSA اگەنتتىگىنە سىلتەمە جاساپ حابارلادى.
عالىمداردىڭ بولجامىنشا، ەر ادامنىڭ جاسى 35 تەر شاماسىندا. جانارتاۋ اتقىلاعان كەزدە ول كوشەدە بولعان. بۇدان بۇرىن دا قازبا كەزىندە توپىراق استىنان ۆەزۋۆيدىڭ كومىرگە اينالعان تاعى ءبىر قۇربانى تابىلعان ەدى.
ۆەزۋۆي اتقىلاعان كەزدە پومپەيدە 12 مىڭنان 20 مىڭعا دەيىن ادام تۇرعان. ال لاۆا مەن كۇل باسقان قالا 1592 -جىلى تابىلعان ەدى. پومپەيدى قازۋ جۇمىستارى XVIII -ХIХ عاسىرلار اراسىندا جالعاستى جانە قازىرگى ۋاقىتتا دا جۇرگىزىلىپ جاتىر.
