قىزىلوردادا ايگىلى «شاحناماعا» ارنالعان كورمە اشىلدى
كورمەنىڭ اشىلۋ سالتاناتىنا يران يسلام رەسپۋبليكاسىنىڭ قازاقستانداعى ەلشىلىگىنىڭ كەڭەسشىسى ماسۋد شەيح زەينەدين ارنايى كەلدى. ول ءوز سوزىندە مۇنداي شارالاردىڭ ەكى ەلدىڭ ءوزارا تاريحي- مادەني بايلانىسىنىڭ ىلگەرىلەۋىنە سەپتىگىن تيگىزەتىنىنە توقتالىپ ءوتتى.
«فيردوۋسي مىڭ جىل بۇرىن جازعان ايگىلى شىعارماسىمەن پارسى ءتىلى مەن يراندىق حالىقتىڭ دانالىعىن دارىپتەدى. ونى ۇرپاققا ماڭگىلىككە قالدىردى. سول قۇندى دۇنيەنى قازاق حالقىنا جەتكىزۋدە تۇرماعامبەت ىزتىلەۋ ۇلىنىڭ ەڭبەگى زور. سوندىقتان ولاردىڭ سوڭىندا قالدىرعان مۇرالارى بارلىعىمىزعا ورتاق دۇنيە دەپ ساناۋعا تولىق نەگىز بار»، - دەدى ماسۋد شەيح زەينەدين.
كورمەدە «شاحناما» شىعارماسىنىڭ قازاقشا نۇسقاسى، شىعارما مازمۇنىن سيپاتتايتىن 30-عا جۋىق كارتينا مەن يراننىڭ دەكوراتيۆتى- قولدانبالى قولونەر تۋىندىلارى قويىلعان. كورمە جۇمىسى ماۋسىمنىڭ 6-نا دەيىن جالعاسادى دەپ جوسپارلانىپ وتىر.
«شىعىستىڭ اتاعى جەر جۇزىنە ءمالىم جەتى اقىنىنىڭ ءبىرى رەتىندە باعالاناتىن فيردوۋسي جىرلاعان «شاحناما» داستانى - تۇركى حالىقتارىنىڭ تاريحىن زەرتتەۋدە سۇبەلى ەڭبەكتىڭ ءبىرى. بۇل داستاندى تۇرماعامبەت ىزتىلەۋ ۇلى قازاق تىلىندە كوركەم تىلمەن شەبەر جەتكىزە ءبىلدى. وعان وسىنداي ۇسىنىس جاساعان مەملەكەت جانە قوعام قايراتكەرى تەمىربەك جۇرگەنوۆ تە سىر ءوڭىرىنىڭ پەرزەنتى ەكەنى بۇگىنگى بۋىنعا زور ماقتانىش»، - دەدى وبلىسى اكىمىنىڭ ورىنباسارى رۋسلان رۇستەموۆ.
ءادىلجان ۇمبەت
