فۋتبولدان قازاقستان قۇراماسىنىڭ بۇرىنعى باپكەرىن جانكۇيەرلەر ۇرىپ كەتتى

استانا. قازاقپارات - ۋكرايناداعى ودەسسا قالاسىنىڭ «چەرنومورەتس» فۋتبول كلۋبىنىڭ جانكۇيەرلەرى فۋتبولدان قازاقستان جاسوسپىرىمدەر مەن جاستار قۇراماسىنىڭ بۇرىنعى باپكەرى كونستانتين فرولوۆتىڭ كوزىن كوگەرتتى، دەپ حابارلايدى «SPORTINFORM» س ا ا.
None
None

وقيعا «پولتاۆا» مەن «چەرنومورەتس» اراسىندا وتكەن پرەمەر-ليگانىڭ جاۋاپتى پلەي-وفف ماتچىنان كەيىن بولعان. بۇل ويىندا ودەسسالىق كلۋب 0:3 ەسەبىمەن جەڭىلىپ قالدى. العاشقى كەزدەسۋدە فرولوۆتىڭ كومانداسى 1:0 ەسەبىمەن باسىم تۇسكەن ەدى.

كوماندانىڭ وسى ناتيجەسىنە كوڭىلى تولماعان ودەسسالىق جانكۇيەرلەر «چەرنومورەتس» كومانداسىنىڭ باپكەرىنە شابۋىل جاساپ، فرولوۆتىڭ باسىنان بىرنەشە رەت ۇرعان. شابۋىل سالدارىنان باپكەردىڭ سول كوزىندە گەماتوما پايدا بولدى. وسى وقيعادان كەيىن فرولوۆ ستاديوننان اسىعىس كەتىپ قالعان.

ۋكرايندىق مامان كونستانتين فرولوۆ 2012-2014 -جىلدارى قازاقستان فۋتبول فەدەراتسياسىنىڭ سپورت ديرەكتورى اناتولي يۋريەۆيچتىڭ شاقىرۋىمەن 17 جاسقا دەيىنگى قازاقستان جاسوسپىرىمدەر قۇراماسىنىڭ اعا باپكەرى بولىپ جۇمىس ىستەگەن بولاتىن. ۋكرايندىق باپكەر ەشقانداي ەستە قالارلىق ارەكەتىمەن ەرەكشەلەنبەستەن، ەۋروپا چەمپيوناتى-2014 ىرىكتەۋ تۋرنيرىندە قۇراما جەڭىلىسكە ۇشىراعاننان كەيىن قىزمەتىنەن كەتكەن ەدى.

فرولوۆ قازاقستاننان كەيىن گرۋزيادا باتۋميلىق «شۋكۋرۋ» جانە «دينامو» كوماندالارىن باسقاردى. سوڭعى ەكى جىلدا «چەرنومورەتس» فۋتبول كلۋبىنىڭ باپكەرلىك شتابىنا كىردى. بيىل قاڭتاردان باستاپ وسى كلۋبتىڭ باس باپكەرى.

سوڭعى جاڭالىقتار