ابە: جاپونيا رەسەيمەن بەيبىت كەلىسىمدى بەكىتكىسى كەلەدى

استانا. قازاقپارات - جاپونيا قازىرگى بۋىننىڭ تۇسىندا رەسەيمەن بەيبىت كەلىسىم بەكىتۋدى ماقسات تۇتادى. بۇل تۋرالى ماسكەۋدە رەسەي پرەزيدەنتى ۆلاديمير پۋتينمەن وتكىزگەن كەلىسسوز قورىتىندىسىنا ارنالعان باسپا ءسوز ءماسليحاتىندا جاپونيا پرەمەر- ءمينيسترى سيندزو ابە مالىمدەگەن.
None
None

پۋتين بەيبىت كەلىسىم ماسەلەسىنىڭ شەشىمى «ەكى ەلدىڭ دە مۇددەلەرىنە ساي جانە ەكى حالىقتىڭ دا قولداۋىنا يە بولۋى ءتيىس» دەگەن.

رەسەي مەن جاپونيا جەتەكشىلەرى كۋريل ارالدارىنىڭ وڭتۇستىگىندە بىرلەسكەن شارۋاشىلىق قىزمەتى تۋرالى بۇعان دەيىن جاسالعان كەلىسىمدەردىڭ ورىندالۋىن تالقىلاعاندارىن ايتقان. جىلدىڭ ەكىنشى جارتىسىندا كۋريل ارالدارىنا جاپون بيزنەسى وكىلدەرى بارادى دەپ جوسپارلانعان.

كۋريل ارالدارى تىزبەگىنىڭ وڭتۇستىگىندەگى ءتورت ارالدىڭ (كۋناشير، يتۋرۋپ، شيكوتان جانە حابوماي) مارتەبەسىنە قاتىستى پروبلەما رەسەي مەن جاپونيا اراسىنداعى بەيبىت كەلىسىمدى بەكىتۋگە نەگىزگى كەدەرگى بولىپ وتىر. ەكى ەل دە داۋلى ارالداردى وزىنىكى دەپ سانايدى.

بۇعان دەيىن سيندزو ابە سانكت- پەتەربۋرگتە وتكەن ەكونوميكالىق فورۋمعا قاتىسىپ، سەنبى كۇنى پۋتين ەكەۋى قازىرگى كەزدە حالىقارالىق عارىش ستانسياسىندا جۇمىس ىستەپ جاتقان رەسەيلىك جانە جاپون عارىشكەرلەرىمەن سويلەسكەن.

www.azattyq.org

سوڭعى جاڭالىقتار