قىتاي يران پرەزيدەنتىن قابىلدايدى

 استانا. قازاقپارات - يران پرەزيدەنتى حاسان روۋحاني قىتايعا رەسمي ساپارمەن بارادى. كەلەسى ايدا شانحاي ىنتىماقتاستىق ۇيىمىنىڭ وڭىرلىك سامميتىندە ا ق ش شىعۋدى ءجون كورگەن يران يادرولىق كەلىسىمىن ساقتاپ قالۋدىڭ ماسەلەسى مەن بىرلەسكەن جوبالاردىڭ بولاشاعى تالقىلانادى.
None
None

 بۇل تۋرالى Reuters اقپاراتتىق اگەنتتىگى جازدى.

 قىتايدىڭ سىرتقى ىستەر مينيسترلىگى ۇسىنعان مالىمەتتە «يران پرەزيدەنتى حاسان روۋحاني مەن قىتاي باسشىسى شي جينپين يادرولىق كەلىسىم اياسىندا تۋىنداعان قيىندىقتاردى تالقىلاپ، ەكىجاقتى ارىپتەستىكتىڭ نىعايۋىنا جول اشىلاتىنىنا سەنىم بىلدىرەمىز» دەلىنگەن.

اقپاراتتىق اگەنتتىك وسىدان بۇرىن رەسەي «يرانعا سالىنعان سانكتسيالار قايتا كۇشىنە ەنەتىن بولسا، ول شانحاي ىنتىماقتاستىق ۇيىمىنا مۇشە بولۋى مۇمكىن» دەگەن مالىمدەمەسىن ەسكە الادى. 2001 -جىلى قۇرىلعان 4 پوست- كەڭەستىك ەل، رەسەي مەن قىتايدان تۇراتىن ۇيىمعا وتكەن جىلى ءۇندىستان مەن پاكىستان قوسىلعان بولاتىن. يران - ش ى ۇ- دا باقىلاۋشى مەملەكەت ستاتۋسىنا يە.

قىتايدىڭ سىرتقى ىستەر مينيسترلىگى كەلەسى ايعا جوسپارلانعان سامميتكە قىرعىزستان مەن قازاقستان پرەزيدەنتتەرى دە شاقىرىلعانىن حابارلادى.

 

دينارا تىلەۋبەك

«ايقىن»

 

 

 

سوڭعى جاڭالىقتار