قازاقستاندا اسكەري وقۋ ورىندارىنا ءتۇسۋ ءۇشىن ۇمىتكەرلەر ىرىكتەلىپ جاتىر

بۇل تۋرالى مينيسترلىكتىڭ باسپا ءسوز قىزمەتى حابارلادى.
قازاقستان رەسپۋبليكاسىنىڭ اسكەري باسقارمالارى جەرگىلىكتى ورگاندارىنىڭ لاۋازىمدى تۇلعالارى جوعارى اسكەري وقۋ ورىندارىنا تۇسۋگە ۇمىتكەرلەردىڭ جەكە قاسيەتتەرىن، ولاردىڭ دەنساۋلىق جاعدايىن، اسكەري- كاسىبي باعىتتارىن، دەنە دايىندىقتارى مەن جالپى ءبىلىم بەرۋ دايىندىقتارى دەڭگەيىن زەرتتەۋ بويىنشا بەلسەندى جۇمىس جۇرگىزىپ جاتىر.
جوعارى اسكەري وقۋ ورىندارىنا تۇسكىسى كەلەتىن تۇلەكتەردى ىرىكتەۋ شارالارى بيىل قاڭتاردا باستالعان جانە شىلدەگە دەيىن جالعاسادى. كاسىبي باعدارلاۋ جۇمىستارى ق ر قورعانىس مينيسترلىگىنىڭ بارلىق اسكەري بولىمدەرى مەن مەكەمەلەرىندە اۋماقتىق ءبىلىم بەرۋ مەكەمەلەرىمەن جانە العاشقى اسكەري دايىندىقتى ۇيىمداستىرۋشى- مۇعالىمدەرمەن بىرلەسىپ جۇرگىزىلۋدە.
ايتا كەتكەن ءجون، قازاقستاندا «باكالاۆر» باعدارلاماسى بويىنشا اسكەري مامانداردى ءۇش جوعارى وقۋ ورنى دايىندايدى. ولارعا قۇرلىق اسكەرلەرى اسكەري ينستيتۋتى، راديوەلەكترونيكا جانە بايلانىس اسكەري- ينجەنەرلىك ينستيتۋتى، اۋە قورعانىسى كۇشتەرىنىڭ اسكەري ينستيتۋتى كىرەدى.