مينيستر شىمبۇلاق پەن اقبۇلاق اراسىندا اسپالى جول جۇرگىزۋدى ۇسىندى

الماتى. قازاقپارات - ق ر مادەنيەت جانە سپورت ءمينيسترى ارىستانبەك مۇحامەدي ۇلى ىلە الاتاۋىنداعى تۋريستىك مارشرۋتتى جاياۋ ارالاپ كەلدى، دەپ حابارلايدى قازاقپارت ءتىلشىسى.
None
None

8 شاقىرىمعا سوزىلعان سوقپاق مەدەۋدەن الماتى وبلىسىنداعى الماتاۋ لاگەرىنە دەيىن سوزىلىپ جاتىر.

 «ەكوتۋريزم الەمدە جاقسى دامىعان سپورت تۇرىنە جاتادى. بۇل سپورت ءتۇرى ەكونوميكاعا مۋلتيپليكاتيۆتى اسەر بەرەدى. بۇل ءبىر جاعىنان، ەكولوگيانى تازا ساقتاۋعا مۇمكىندىك بەرسە، ەكىنشى جاعىنان ەكونوميكاعا قارجى تارتادى. مەن ءوزىم سپورتپەن اينالىسامىن. بۇگىنگى سەرۋەن وتە قىزىقتى بولدى. وبلىستىق دەڭگەيدەگى بىرنەشە شەنەۋنىك، بەلگىلى سپورتشىلار، ارتىستەر كەلدى»، - دەدى مينيستر.



مينيسترمەن بىرگە ەكولوگيالىق شاراعا قاتىسقاندار سوقپاقتاردىڭ جاي- كۇيىن باقىلاپ، ەكوتۋريزمنىڭ دامۋىنا كەدەرگى بولىپ وتىرعان ماسەلەلەردى شەشۋگە تىرىستى.

ەكوتۋريزمدى دامىتۋ وتە ماڭىزدى. بۇگىنگى سەرۋەن بارىسىندا ءبىز مىنا ولقىلىقتاردى كوردىك. ادامدار توقتاپ دەمالاتىن جەرلەردە ورىندىقتار، نۇسقاۋلىقتار، سايالايتىن ورىندار جوق. تۋريزم سالاسىنا قاۋىپسىزدىكتى قامتاماسىز ەتەتىن كومپانيالار كەرەك. ەگەر وسى ولقىلىقتار جوندەلسە، الماتى مەن الماتى وبلىسى تۇرعىندارىنىڭ اراسىندا ەكوسپورتقا دەگەن سۇرانىس ارتادى»، - دەدى VeloFriends رايىمبەك باتالوۆ.

null

مينيستردىڭ ايتۋىنشا، قازىر الماتى تاۋلارىندا جاڭادان قوناق ۇيلەرىن دەمالىس ورىندارىن تۇرعىزۋدىڭ قاجەتى جوق.

«تەك بار ينفراقۇرىلىمدى بىرىكتىرۋ كەرەك. ماسەلەن شىمبۇلاق پەن تالعار اۋدانىنداعى اقبۇلاقتى اسپالى جولمەن بىرىكتىرۋگە بولادى. قىستا بۇل مارشرۋتتاردا شاڭعى تەبەتىن ادامدار دەمالسا، جازدا جاياۋ جۇرەتىن تۋريستەرگە ىڭعايلى جاعداي تۋعىزىلادى»، - دەدى ا. مۇحامەدي ۇلى.

اۆتور: گۇلميرا عوسمانالي

null

سوڭعى جاڭالىقتار