قازاقستان العاش رەت برازيلياعا ۋران جەتكىزدى

استانا. قازاقپارات - قازاقستان العاش رەت برازيلياعا ۋران جەتكىزدى، دەپ حابارلايدى قازاقپارات «قازاتوم ونەركاسىپ» ۇ ا ك» ا ق باسپا ءسوز قىزمەتىنە سىلتەمە جاساپ.

 قازاقستاننىڭ ۇلتتىق اتوم كومپانياسى الەمدىك يادرولىق وتىن نارىعىنا ءوز ونىمدەرىن جەتكىزۋ گەوگرافياسىن كەڭەيتە ءتۇستى.

«قازاتوم ونەركاسىپ» كومپانياسى برازيليالىق «Indústrias nucleares do Brasil» (INB)  كومپانياسىنا تابيعي ۋران كونسەنتراتىن جەتكىزۋ بويىنشا تەندەردە جەڭىپ شىقتى. كەلىسىم شارتتارىنا سايكەس قازاتوم ونەركاسىپ بەلگىلەنگەن مەرزىمدە  ۋران جەتكىزىپ بەردى»، - دەلىنگەن حابارلامادا.

ايتا كەتەرلىگى، INB - برازيليانىڭ يادرولىق وتىن وندىرەتىن مەملەكەتتىك كاسىپورنى. INB قىزمەتىن ەلدىڭ يادرولىق ەنەرگيا جونىندەگى ۇلتتىق كوميسسياسى (CNEN) مەن قورشاعان ورتا جانە جاڭعىرمالى تابيعي رەسۋرستار ينستيتۋتى، سونداي- اق ا ە ج ح ا ليتسەنزيالاپ جانە قاداعالاپ وتىرادى.

قازاقستاننىڭ ۇلتتىق اتوم كومپانياسىنىڭ مالىمەتىنشە، اتالمىش كەلىسىمشارتقا قول قويىلۋى اتوم ەنەرگياسىن بەيبىت پايدالانۋ جونىندەگى قازاقستان- برازيليا ىنتىماقتاستىعىن دامىتۋ جانە «قازاتوم ونەركاسىپ» ۇ ا ك» ا ق ونىمدەرىن وتكىزۋدىڭ جاڭا نارىعىن ىزدەۋ تۇرعىسىنان ۇلكەن ماڭىزعا يە.