عالىمدار تەمپەراتۋرانى نە ءۇشىن تۇسىرۋگە بولمايتىنىن ءتۇسىندىردى

بۇل دەنەنىڭ اۋرۋمەن كۇتەسۋىن ارتتىرادى جانە ادام سونىڭ ارقاسىندا تەز ساۋىعىپ كەتەدى.
بۇل تۋرالى Life.ru-عا سىلتەپ، Stan.kz اقپاراتتىق اگەنتتىگى حابارلايدى.
مانچەستەر مەن ۋوريك ۋنيۆەرسيتەتىنىڭ بيولوگتارى مەن ماتەماتيكتەرى جوعارى تەمپەراتۋرانىڭ ادامنىڭ يممۋندىق جۇيەسىنىڭ تيىمدىلىگىنە قالاي اسەر ەتەتىنىن زەرتتەدى. مۇندا عالىمدار جاسۋشالىق ساعاتپەن سالىستىراتىن Nuclear Factor، ياعني يادرولىق فاكتور (- KB) بەلوكتارى باستى رول اتقارادى ەكەن.
ءتىپتى، تەمپەراتۋرا شامالى كوتەرىلگەندە 37 گرادۋسقا دەيىن نەمەسە ودان ءسال جوعارى بولسا دا، ولار يادرونىڭ كلەتكاسىندا جىلدامىراق قوزعالا باستاپ، يممۋندىق جۇيەنىڭ جۇمىسىن جانداندىرادى. دەنە تەمپەراتۋراسى نەعۇرلىم جوعارى بولسا، اقۋىز تەزىرەك قوزعالادى. ۇرىس جاسۋشالارى ىسىككە، جاراعا نەمەسە ينفەكتسياعا بەلسەندى تۇردە ارەكەت ەتە باستايدى. وسىلايشا، اعزا اۋرۋعا قارسى تۇرىپ، ەم جىلدام وتەدى.
عالىمداردىڭ جاڭالىعى جوعارى تەمپەراتۋرانى بەلگىلى ءبىر ۋاقىتقا دەيىن ءتۇسىرۋ مۇمكىن ەمەس دەگەن پىكىردى راستايدى. 37,5 گرادۋس كەزىندە قابىنۋعا قارسى پرەپاراتتاردى قولدانۋ اعزانىڭ اۋرۋمەن كۇرەسۋىنىڭ بيولوگيالىق پروتسەستەرىن بۇزادى. ارينە، اڭگىمە ادامنىڭ ومىرىنە قاۋىپ تونگەن كەز نەمەسە 38,5 ° جوعارى تەمپەراتۋرا تۋرالى ەمەس.
وسىلايشا، ادامزات تاعى ءبىر ماڭىزدى جاڭالىقتى اشۋعا جاقىنداعان سەكىلدى. ەگەر ماماندار يممۋندىق جاسۋشالاردىڭ يادرولىق فاكتور بەلوكتارىمەن (- BB) ىنتالاندىرۋ ۇدەرىسىن باقىلاۋدى ۇيرەنسە، جاڭا ۇرپاقتىڭ پرەپاراتتارىن جاساۋعا ءبىر قادام جاقىندايدى.