ەسىل وزەنىندە كەمەمەن ءجۇرۋ ماۋسىمى اشىلدى

 استانا. قازاقپارات - بۇگىن استانادا قالا اكىمدىگىنىڭ قولداۋىمەن ەسىل وزەنىنىڭ كەمە جۇرەتىن ۋچاسكەسىندەگى ونىنشى ناۆيگاتسيانىڭ سالتاناتتى تۇردە اشىلۋى بولىپ ءوتتى، دەپ حابارلايدى ەلوردا اكىمدىگىنىڭ رەسمي سايتى.
None
None

كەمەنىڭ ءداستۇرلى تۇردە العاشقى جولاۋشىلارى «نۇرلى جۇرەك» الەۋمەتتىك قىزمەت كورسەتۋ ورتالىعىنىڭ تاربيەلەنۋشىلەرى بولدى. رەسمي بولىمنەن كەيىن مۇمكىندىگى شەكتەۋلى بالالار تەپلوحودپەن تەگىن قىدىرىپ كەلدى.

 «ەسىل- استانا» م ك ق ك ديرەكتورى قانات ءاليننىڭ ايتۋىنشا، بيىل التى جولاۋشى كەمەسى تاسىمالدايتىن بولادى.

 «ءداستۇرلى ناۆيگاتسيا كەزىندە استانا تۇرعىندارى مەن قوناقتارى سۋ كولىگىنىڭ قىزمەتىن پايدالانا الادى. 2009 -جىلى بىزدە بار بولعانى 5 كەمە بولسا، بۇگىندە ولاردىڭ سانى 14 كە جەتتى، ونىڭ 6 كەمەسى جولاۋشىلارعا قىزمەت ەتەدى. ولاردىڭ جالپى سىيىمدىلىعى 265 ورىندى قۇرايدى» ، - دەدى ول.

ايتا كەتەيىك، امفيتەاتر اۋدانىنداعى جاياۋ جۇرگىنشىلەر كوپىرىن سالۋ بويىنشا جۇرگىزىلىپ جاتقان قۇرىلىس- مونتاج جۇمىستارىنا بايلانىستى، استانا اكىمدىگى ۋاقىتشا قوزعالىس سىزباسىن بەكىتتى: وتىرعىزۋ كەنەسارى ەسكەرتكىشىنەن تومەندە ورنالاسقان روتوندادان - سۋ رەتتەيتىن پلوتينا - امفيتەاتر - كەنەسارى ەسكەرتكىشىنەن تومەن ورنالاسقان روتونداعا وزگەرتىلدى.

 مارشرۋتتىڭ ۇزاقتىعى 3 ك م، ال ۋاقىتى 25-30 مينۋت. وزەندە ساياحاتتاۋدىڭ ەكسكۋرسيالىق- قىدىرۋ قىزمەتىنىڭ باعاسى ەرەسەكتەر ءۇشىن - 500 تەڭگە، بالالار ءۇشىن - 250 تەڭگە.

 كوپىر قۇرىلىسى جوندەلگەننەن كەيىن «استانا- ەسىل» قايتادان بۇرىنعى بەكىتىلگەن مارشرۋت بويىنشا كەنەسارى ەسكەرتكىشىنەن اقورداعا دەيىن قاشىقتىعى 18,8 ك م جولاۋشىلار تاسىمالدايدى. ۇلكەندەرگە - 1000 تەڭگە، بالالارعا - 500 تەڭگە.

ەسىل وزەنىندەگى ناۆيگاتسيا ماۋسىمى 31 - قازانعا دەيىن جالعاسادى.

سوڭعى جاڭالىقتار